धक्कादायक! शाळकरी मुलींना फसवून शारीरिक शोषण, मग धर्मांतरासाठी ब्लॅकमेल, विविध समुदायातील मुलींना अडकवण्याचा ‘दर’ लाखांच्या घरात, प्रकरण उघडकीस.

राजस्थानच्या अजमेर विभागातील विजयनगर पोलिस स्टेशन परिसरातून एक अतिशय धक्कादायक घटना समोर आली आहे. शाळेत जाणाऱ्या अल्पवयीन मुलींना फसवून त्यांचे शारीरिक शोषण करुन त्यांना धर्मांतर करण्यासाठी ब्लॅकमेल केल्याचा धक्कादायक प्रकार घडला आहे.राजस्थानच्या अजमेर विभागातील विजयनगर पोलिस स्टेशन परिसरातून एक अतिशय धक्कादायक घटना समोर आली आहे. शाळेत जाणाऱ्या अल्पवयीन मुलींना फसवून त्यांचे शारीरिक शोषण करुन त्यांना धर्मांतर करण्यासाठी ब्लॅकमेल केल्याचा धक्कादायक प्रकार घडला आहे. या ब्लॅकमेलिंग प्रकरणातील आरोपी सोहेल हुसेन आणि मोहम्मद लुकमान यांनी त्यांचा गुन्हा कबूल केला. पोलिस चौकशीदरम्यान, आरोपींनी कबूल केले की त्यांनी विद्यार्थिनींना मोबाईल फोन दिले, ब्लॅकमेल केले, त्यांचे लैंगिक शोषण केले आणि त्यांना विशिष्ट धर्मात विश्वास ठेवण्यास भाग पाडले.

राजस्थानमधील बेवार जिल्ह्यात घडलेल्या या ब्लॅकमेलिंग प्रकरणात ५ आरोपींना अटक करण्यात आली. तर, अल्पवयीन आरोपींना ताब्यात घेण्यात आले. मंगळवारी न्यायालयाने ५ आरोपींना पोलिस कोठडीत पाठवले. पीडितेने सांगितले की, शाळेत जात असताना ते तिला वाटेत थांबवायचे आणि त्यांच्याशी मैत्री करण्यास भाग पाडायचे. आरोपीने आपला धर्म लपवून तिच्याशी मैत्री केली. आणि तिला एका रेस्टॉरंटमध्ये नेले. अश्लील व्हिडिओ आणि छायाचित्रे बनवून तिला ब्लॅकमेल केले. त्याने तिला त्याच्या मित्रांशी मैत्री करण्यास धमकावल्याचेही पीडितेने पोलिसांना सांगितले.पीडितेने सांगितले की, आरोपी तरुण तिच्या कुटुंबातील सदस्यांना जीवे मारण्याची धमकी देत असे. ते म्हणायचे की जर आम्ही ब्राह्मण मुलीला विकली तर आम्हाला २० लाख मिळतील, जर दुसऱ्या समुदायातील (दलीत) मुलीला अडकवले तर १५ आणि १० लाख रुपये मिळतील. स्थानिक लोक, पालक आणि हिंदू संघटनांनी या प्रकरणाचा सुगावा लागताच त्यांनी या प्रकरणाचा निषेध केला आणि पोलिसांत गुन्हा दाखल केला.

लोकांच्या मते, सुमारे १२ ते १५ तरुणांची टोळी हे सर्व करत होती. त्यांच्यावर लोकांना विशिष्ट धर्म मानण्यासाठी दबाव आणण्याचा आरोपही आहे.पोलिसांनी सांगितले की, काही आरोपी अजूनही फरार असून त्यांचा शोध सुरू आहे. पोलिसांनी दिलेल्या माहितीनुसार, आरोपीने प्रथम एका खाजगी शाळेतील मुलीला फसवले. आणि तिला चायनीज मोबाईल दिला. त्यांनी पीडितेला त्रास देणे आणि ब्लॅकमेल करणे सुरू केले. यानंतर, तिच्यावर एक अट ठेवण्यात आली की तिने तिच्या वर्गातील इतर विद्यार्थिनींशी संपर्क साधून द्यावा अन्यथा ते तिला सोडून जातील. अशाप्रकारे, मुलीने तिच्या वर्गात शिकणाऱ्या पाच-सहा मुलींना या जाळ्यात अडकवले आणि धमकी देऊन त्यांना ब्लॅकमेल करण्यास सुरुवात केली. आरोपी त्यांच्यावर त्यांच्या धर्माच्या गोष्टी स्वीकारण्यासाठी दबाव आणत असत. अटक केलेल्या आरोपींमध्ये रिहान मोहम्मद, सोहेल मन्सूरी, लुकमान, अरमान पठाण, साहिल कुरेशी यांचा समावेश आहे.