प्रेयसीसाठी धर्मांतर केलं, घरच्यांनी मुलीचं लग्न भलतीकडेच लावलं, संतापलेल्या प्रियकराने अखेर… जे त्याच्याही जीवावर बेतलं.

मुलाचे नाव राहुल वाल्मिकी होते. ज्याने आपल्या प्रेयसीसाठी धर्म बदलला होता. धर्म बदलल्यानंतर राहुलने स्वतःचे नाव ‘मुर्शीद’ असे ठेवले होते, पण असे असूनही प्रेयसीच्या कुटुंबाने तिचे लग्न दुसरीकडे लावले. याबद्दल प्रियकर राहुल उर्फ मुर्शीद खूप संतापला होता.उत्तर प्रदेशातील बांदा जिल्ह्यातून दुहेरी हत्याकांडाची घटना समोर आल्याने एकच खळबळ उडाली आहे. एका प्रियकराने आपल्या प्रेयसीची चाकूने वार करून हत्या केली. यानंतर, मुलीच्या कुटुंबीयांनी प्रियकराला पकडून मारहाण केली. पलानी पोलीस स्टेशन परिसरातील महावरा गावात ही खळबळजनक घटना घडली आहे. गेल्या तीन वर्षांपासून तरुण-तरुणी रिलेशनशिपमध्ये होते. पण मुलीच्या कुटुंबाने तिचे लग्न दुसरीकडेच लावले.मुलाचे नाव राहुल वाल्मिकी होते. ज्याने आपल्या प्रेयसीसाठी धर्म बदलला होता. धर्म बदलल्यानंतर राहुलने स्वतःचे नाव ‘मुर्शीद’ असे ठेवले होते, पण असे असूनही प्रेयसीच्या कुटुंबाने तिचे लग्न दुसरीकडे लावले. याबद्दल प्रियकर राहुल उर्फ मुर्शीद खूप संतापला होता. त्याच्या प्रेयसीचे नाव झाकरीन होते. ती तिच्या खोलीत झोपली असताना राहुल उर्फ मुर्शीद छतावरुन तीच्या खोलीत पोहोचला.

झाकरीनच्या खोलीत शिरल्यानंतर, राहुलचा झाकरीनशी वाद झाला. दरम्यान, राहुलने झाकरिनच्या छातीवर आणि हातावर चाकूने वार केले. झाकरीनच्या किंकाळ्या ऐकून कुटुंबातील सदस्य तिच्या खोलीत आले. मुलीला रक्ताने माखलेले पाहून सर्वजण संतापले. आणि त्यांनी राहुल उर्फ मुर्शीदला काठ्यांनी बेदम मारहाण केली. आणि त्याला अर्धमेला अवस्थेत सोडून दिले. पोलिसांना या प्रकरणाची माहिती मिळताच तेही लागलीच घटनास्थळी पोहोचले.पोलिसांनी घटनास्थळी पोहोचून दोघांनाही जसपुरा सीएचसीमध्ये दाखल केले. परंतु डॉक्टरांनी त्यांना जिल्हा रुग्णालयात रेफर केले. जिथे झाकरिनचा वाटेतच मृत्यू झाला. रुग्णालयात पोहोचल्यानंतर सुमारे अर्ध्या तासाने राहुलचाही मृत्यू झाला. झाकरिनची आई हाजरा म्हणाली की, तिची मुलगी रविवारीच तिच्या सासरच्या घरून माहेरी आली होती. राहुल आणि झाकरिन दोघांच्याही घरांवर पोलिस तैनात करण्यात आले आहेत.मृत राहुलच्या वडिलांनी झाकरिनची आई, बहीण आणि काकाविरुद्ध खुनाचा गुन्हा दाखल केला आहे. राहुल हा साबाडा गावचा रहिवासी होता. त्याच्या वडिलांनी सांगितले की तो रात्रीचे जेवण करून ९ वाजता झोपायला गेला. पण तो महावरा गावात कधी पोहोचला हे त्यांना माहित नाही. झाकरिनच्या कुटुंबातील सदस्यांना ताब्यात घेण्यात आले आहे. आणि त्यांची चौकशी केली जात आहे.