प्रेग्नंट बायको भांडून माहेरी, कोल्हापुरात नको ते घडलं, पिंपरीत आयटी इंजिनिअर पतीने व्हॅलेंटाईन्स डेलाच आयुष्य संपवलं.

 अजितचे दोन वर्षांपूर्वी लग्न झाले होते. तो मूळचा कोल्हापूर येथील राहणारा होता. कामानिमित्त तो पिंपरी चिंचवड शहरात राहायला होता. त्यांचा संसार आनंदात सुरु होता.जगभरातील प्रेमी युगुलांचा सर्वात आवडता दिवस म्हणजेच व्हॅलेंटाईन-डे नुकताच साजरा करण्यात आला. मात्र, याच दिवशी पुणे जिल्ह्यातील पिंपरी चिंचवडमधून एक धक्कादायक घटना समोर आली आहे. कौटुंबिक वादातून गर्भवती पत्नी घर सोडून माहेरी निघून गेली. त्यानंतर पत्नीने पतीविरोधात पोलिसात तक्रार केली. या कारणावरुन एका आयटी अभियंत्याने गळफास घेत आपली जीवनयात्रा संपवली आहे.अजित दत्तात्रय थोरवत (वय ३० वर्ष) असं आत्महत्या केलेल्या अभियंत्याचे नाव आहे. या घटनेने सर्वांचंच मन हेलावले आहे. अजित याची पत्नी गर्भवती असल्याची माहिती देखील समोर आली आहे.

याबाबत मिळालेली माहिती अशी की, अजितचे दोन वर्षांपूर्वी लग्न झाले होते. तो मूळचा कोल्हापूर येथील राहणारा होता. कामानिमित्त तो पिंपरी चिंचवड शहरात राहायला होता. त्यांचा संसार आनंदात सुरु होता. त्या दोघांना काही दिवसात अपत्य देखील होणार होते. मात्र दोघांमध्ये अचानक कौटुंबिक कारणातून भांडणे होण्यास सुरुवात झाली.या भांडणात अजितची बायको घर सोडून माहेरी निघून गेली. तिकडे गेल्यावर तिने पोलीस स्टेशनला पतीविरोधात तक्रार दाखल केली. त्यामुळे त्याच्यावर गुन्हा दाखल झाला. पुढे त्यांचे हे प्रकरण न्यायालयात गेलं. अजित हा दोन दिवसांपूर्वीच कोल्हापूरवरून सुनावणी वरून आला होता. तिकडून आल्यापासून तो खूप अस्वस्थ असल्याचं त्याचे निकटवर्तीय सांगतात.जीवापाड प्रेम असणाऱ्या पत्नीने असं का केलं असावं, याच विचारात तो असावा. मात्र पत्नीने पोलीस स्टेशनाला केलेली तक्रार, त्यातून चढावी लागलेली पोलीस स्टेशनची पायरी या सर्व गोष्टींचा त्याला त्रास होऊ लागला. त्यामुळे त्याने अखेर व्हॅलेंटाईन डेच्या दिवशीच आपला जीवन प्रवास संपवला. या घटनेने सर्वत्र हळहळ व्यक्त केली जात आहे. पत्नीशी झालेल्या वादातूनच हा प्रकार घडल्याचे पोलिसांकडून सांगण्यात आले आहे. या प्रकारणाचा अधिक तपास चिखली पोलीस करत आहेत.