जुळ्या बहिणी शाळेत गेल्या त्या आल्याच नाहीत, शेतात अंगावर काटा आणणारी घटना; तोंडात माती आणि…

जुळ्या बहिणीसोबत भयंकर घटना घडल्याचं समोर आलं आहे. ६ वर्षीय जुळ्या बहीण शाळेत गेल्या त्या आल्याच नाहीत. शोधावेळी शेतात अंगावर काटा आणणारी घटना समोर आल्याने एकच खळबळ उडाली आहे. जुळ्या बहिणी घराशेजारीच असलेल्या शाळेत गेल्या होत्या. मात्र रोजची घरी येण्याची वेळ उलटून गेली तरी त्या घरी आल्या नव्हत्या. मुली घरी न आल्याने कुटुंबीयांनी त्यांची शोधाशोध सुरू केली. बराच वेळ शोधाशोध सुरू होती. नंतर रात्री दोघींबाबत अतिशय धक्कादायक घटना समोर आली आहे. जुळ्या बहिणींचा गावातील एका शेतात मृतदेह आढळला आणि सर्वाच्या पायाखालची जमिनीच सरकली.

६ वर्षीय जुळ्या बहिणी ऋषि आणि ऋषिका सोमवारी त्याच्या घराजवळील सरकारी प्रायमरी शाळेत गेल्या होत्या. संध्याकाळ झाली तरी त्या घरी परत आल्या नाहीत, त्यानंतर त्यांची शोधाशोध सुरू झाली. त्यावेळी दोघींचा मृतदेह गावातील एका शेतात भयंकर अवस्थेत आढळला. या घटनेने गावात हळहळ व्यक्त होत असून चिमुकल्यांच्या जाण्याने कुटुंबावर दु:खाचा डोंगर कोसळला आहे.ही घटना बिहारमधील गोपालगंज जिल्ह्यातील जगदीशपूर गावात घडली. मुलींचे मृतदेह आढळल्याच्या घटनेची माहिती पोलिसांत देण्यात आली. पोलिसांनी तात्काळ घटनास्थळी पोहोचून तपास सुरू केला. मुलींचे मृतदेह शवविच्छेदनासाठी रुग्णालयात पाठवण्यात आले. तसंच एसआयटी गठित करण्याचे निर्देश दिले. एसआयटीने या प्रकरणाचा तपास सुरू केला आहे. दुसऱ्या दिवशी मंगळवारी पोलीस श्वानपथक आणि एफएसएल पथकाने घटनास्थळी पोहोचून या प्रकरणाचा तपास केला. या जुळ्या बहिणींच्या हत्येप्रकरणात पोलिसांनी तीन जणांना ताब्यात घेतलं आहे.पोलिसांनी दिलेल्या माहितीनुसार, मृत मुलींच्या कुटुंबीयांचं गावातील काही लोकांशी जुना वाद आहे. याप्रकरणी तिघांना ताब्यात घेतलं असून पुढील चौकशी सुरू आहे. दोन्ही मुलींच्या तोंडात मोठ्या प्रमाणात माती होती. तोंडात माती कोंबून हत्या केली गेली असावी अशी शक्यता पोलिसांकडून वर्तवली जात आहे.दोघींचा शोध सुरू असताना गावातील शेतात विकृत अवस्थेत मृतदेह आढळला. मृतदेह पाहिल्यानंतर त्यांची निर्घुणपणे हत्या केल्याचं कळतंय. दोघींच्या चेहऱ्यावर, तोंडात पूर्णपणे माती भरली होती. मात्र मृतदेहांच्या शवविच्छेदन अहवालानंतरच दोघींच्या हत्येबाबत समजू शकेल. पोलिसांकडून याप्रकरणी अधिक तपास सुरू आहे.