“ए माशी काढ…” पुण्याच्या पर्यटकाची तक्रार, हॉटेल मालकाने केले असे काही ज्यामुळे कोकण हादरले.

 एका चहाच्या कपात माशी पडलेली रुपेश सकपाळ यांना दिसली. त्यांनी ती बाब हॉटेल मालक तथा आरोपि क्रमांक १ तनवीर करामत शेख यांच्या निदर्शनाला आणली आणि चहा बदलून देण्यास सांगितले. पण चहा बदलून मिळाला नाही, त्यावेळी त्या चहाचे पैसे देणार नाही असे श्री. सपकाळ यांनी सांगताच तन्वीर शेख याला त्याचा राग येऊन त्याने आपल्या साथीदारांसह बेकायदा जमाव करून, रुपेश बबन सपकाळ यांना दोरीने बांधून काठीने व हाताच्या ठोशांनी मारहाण केली.सिंधुदुर्गात धक्कादायक प्रकार घडला आहे. चहात माशी पडल्याचे सांगितल्याच्या किरकोळ कारणावरून झाराप येथे पुण्यातील पाच ते सहा पर्यटकांना बेदम मारहाण करण्यात आली. ही घटना काल सायंकाळी झिरो पॉईंट परिसरात घडली. या प्रकरणी सहा जणांवर कुडाळ पोलिस ठाण्यात गुन्हा दाखल करण्यात आला आहे.

याबाबत कुडाळचे पोलीस निरीक्षक राजेंद्र मगदूम यांनी दिलेल्या माहिती नुसार, रुपेश बबन सपकाळ (वय-३३ वर्षे रा. कात्रज, जिल्हा -पुणे) हे आपल्या मित्रांसह गोव्याला जात होते. काल सायंकाळी ६ वाजण्याच्या सुमाराला ते झाराप झिरो पॉईंट येथे चहा पिण्यासाठी थांबले. त्यावेळी एका चहाच्या कपात माशी पडलेली रुपेश सकपाळ यांना दिसली. त्यांनी ती बाब हॉटेल मालक तथा आरोपि क्रमांक १ तनवीर करामत शेख यांच्या निदर्शनाला आणली आणि चहा बदलून देण्यास सांगितले. पण चहा बदलून मिळाला नाही, त्यावेळी त्या चहाचे पैसे देणार नाही असे श्री. सपकाळ यांनी सांगताच तन्वीर शेख याला त्याचा राग येऊन त्याने आपल्या साथीदारांसह बेकायदा जमाव करून, रुपेश बबन सपकाळ यांना दोरीने बांधून काठीने व हाताच्या ठोशांनी मारहाण केली. तसेच रुपेश सकपाळ यांच्या सोबत असलेल्या संजय सुदाम चव्हाण राहणार – पुणे यालाही मारहाण केली. रुपेश सकपाळ यांचे कपडे फाडले त्यांचप्रमाणे हातपाय दोरीने बांधून ठेवले.दरम्यान, पर्यटकांनी ११२ नंबर वरून कुडाळ पोलीस ठाण्यात संपर्क साधला तेव्हा पोलिसांनी घटनास्थळी धाव घेतली. त्यावेळी त्यांना रुपेश सपकाळ हे दोरीने बांधलेल्या स्थितीत आढळले. पोलिसांनी त्यांना कुडाळ येथे आणले. त्याबाबत कुडाळ पोलीस ठाण्याचे पोलीस शिपाई योगेश मुंढे यांनी कुडाळ पोलिसात तक्रार दिली. त्यावरून मारहाण करणारे तनवीर करामत शेख, शराफत अब्बास शेख (वय-५७), अब्बास उर्फ साहिल शराफत शेख (वय-१८), परवीन शराफत शेख (वय-४२), साजमीन शराफत शेख (वय-१९) आणि तलाह करामत शेख (वय-२६) (सर्व रा.-झाराप खान मोहल्ला, ता-कुडाळ) यांच्यावर गुन्हा दाखल करण्यात आला आहे. याबाबत पोलीस निरीक्षक राजेंद्र मगदूम यांच्या मार्गदर्शनाखाली पोलीस उपनिरीक्षक गणेश कहऱ्हाडकर हे अधिक तपास करीत आहेत.