‘महायुतीच्या नीट बातम्या द्या, नाहीतर गोळ्या घालू’, AK-47 रोखत अजित पवारांचं मिश्किल वक्तव्य.

मुख्यमंत्री देवेंद्र फडणवीस आणि उपमुख्यमंत्री अजित पवारांनी एके 47 हातात घेत, अनेकांवर निशाणा साधला. दोघांनी त्यांच्या नजरेत असणाऱ्यांवर नेम धरला. अजित दादांनी तर थेट मीडियाचे प्रतिनिधी आणि कॅमरामेनचा एके 47ने वेध घेतला.

उपमुख्यमंत्री अजित पवार यांनी पत्रकारांना उद्देशून मिश्किल वक्तव्य केलं आहे. महायुतीच्या नीट बातम्या द्या, नाहीतर गोळ्या घालू, असं अजित पवार मिश्किलपणे म्हणाले आहेत. यावेळी अजित पवार यांच्यासोबत मुख्यमंत्री देवेंद्र फडणवीस हे देखील होते. दोन्ही नेत्यांच्या हातात AK-47 रायफल देखील होती. यावेळी अनेक अधिकारी आणि पत्रकारांच्या गराड्यात दोन्ही नेते AK-47 पाहत होते. याचवेळी अजित पवार यांनी संबंधित मिश्किल वक्तव्य केलं. त्यांच्या या वक्तव्यानंतर तिथे उपस्थित असलेल्या सर्वांमध्ये एकच हशा पिकला.मिळालेल्या माहितीनुसार, पुण्याच्या चाकणमध्ये आधुनिक क्षेपणास्त्र संकुलाचे उद्घाटन मुख्यमंत्री देवेंद्र फडणवीस आणि उपमुख्यमंत्री अजित पवार यांच्या उपस्थितीत पार पडलं. यावेळी दोन्ही दिग्गज नेत्यांनी AK-47 चा अनुभव घेतला.दोन्ही नेत्यांनी एके 47 हातात घेत, अनेकांवर निशाणा साधला. दोघांनी त्यांच्या नजरेत असणाऱ्यांवर नेम धरला. अजित दादांनी तर थेट मीडियाचे प्रतिनिधी आणि कॅमरामेनचा एके 47ने वेध घेतला. “महायुतीच्या चांगल्या बातम्या द्या, अन्यथा आम्ही दोघे तुम्हा सर्वांना उडवून टाकू”, अशी मिश्किल टिप्पणी करत अजित दादांनी मीडियावर निशाणा साधला.