पुण्यात वाहनांची तोडफोड करणाऱ्या गुंडांचा उतरवला माज, गुडघे टेकवत काढली धिंड.

पुण्यात वाहनांची तोडफोड करणाऱ्या गुंडांची पोलिसांनी धिंड काढून अद्दल घडवली आहे. बिबेवाडीमध्ये 40 हून अधिक गाड्यांची तोडफोड करण्यात आली होती. पोलिसांनी आरोपींना अटक करून त्यांची धिंड काढली. आता याचे फोटो आणि व्हिडीओ सोशल मीडियावर तूफान व्हायरल होताना दिसत आहेत.

पुण्यात गाडी फोडीच्या घटनांमध्ये दिवसेंदिवस वाढ होत आहे. दिवसांगणिक आपली दहशत निर्माण करण्यासाठी गुन्हेगार रत्यावरील गाड्यांची तोडफोड करून नुकसान करत आहेत. अशीच एक घटना बिबेवाडीतून समोर आली आहे. दहशत निर्माण करण्यासाठी गाड्या फोडणाऱ्या आरोपीची त्याच ठिकाणाहून धिंड काढून पोलिसांनी माज उतरवला आहे. याचे फोटो आणि व्हिडीओ सोशल मीडियावर व्हायरल झाली आहेत. गुडघे टेकवत पोलिसांनी ही धिंड काढली आहे.याबाबत पोलिसांकडून मिळालेल्या माहितीनुसार, मंगळवारी रात्री बिबवेवाडी परिसरात असणाऱ्या भागात 40 हुन अधिक वाहनांची तोडफोड केल्याची घटना घडली होती. आरोपींनी काहीही कारण नसताना गाड्यांची तोडफोड केली. दहशत माजवण्यासाठी ही तोडफोड करण्यात आली होती. पोलिसांनी या प्रकरणी अंडी उर्फ निरंजन देवकर ,अभिषेक पांढरे, गणराज सुनील ठाकर या तीन आरोपींना अटक केली. त्यानंतर पोलिसांनी यांना चांगलीच अद्दल घडवली.पोलिसांनी गुंडाची दहशत मोडून काढण्यासाठी व त्यांना धडा शिकवण्यासाठी धिंड काढली आहे. गेल्या काही दिवसांपासून पुणे शहरांमध्ये गुन्हेगारीने मोठ्या प्रमाणात डोकेवर काढले आहे. आपले अस्तित्व टिकवण्यासाठी स्थानिक गुंड वाहनांची तोडफोड करत आहेत. खून, दरोडे, चोरी, बलात्कार यासारख्या घटनांमध्ये दिवसेंदिवस वाढ होताना पाहायला मिळत आहे. या सर्व गोष्टींना आळा घालण्यासाठी पुणे पोलीस ॲक्शन मोडवर आलेले पाहायला मिळत आहेत.त्यातच बिबवेवाडीमध्ये गुंडांनी केलेली वाहनांची तोडफोड ही दहशत पसरवण्यासाठी केली असल्याचे समोर आले. त्यानंतर पोलिसांनी त्यांना अद्दल घडवण्यासाठी खाकी दाखवत त्यांची परिसरातून धिंड काढली. पुण्यातील गुन्हेगारी रोखण्यासाठी पोलिसांनी वेगवेगळी पावले उचलण्यास सुरुवात केली आहे. पोलिसांनी केलेल्या या कामगिरीचे कौतुक करण्यात येत आहे. अशी कृत्य करणाऱ्या गुन्हेगारांना कुठल्याही प्रकारे सोडणार नसल्याचे पोलिसांकडून सांगण्यात आले आहे. आता आरोपींच्या धिंडचे व्हिडीओ व्हायरल होत आहेत.