Rajendra Nikam
आषाढी एकादशी निमित्त हिराबाई पाटील माध्यमिक विद्यालय येथे वृक्ष दिंडी
जळगाव ग्रामीण (प्रतिनिधी) :- तालुक्यातील शिरसोली हिराबाई जगतराव पाटील माध्यमिक विद्यालय शिरसोली (प्र.बो) येथे आज आषाढी एकादशी निमित्त गावात वृक्षदिंडीची प्रभात फेरी काढण्यात आली व प्रभात फेरीनंतर शाळेच्या आवारात वृक्षारोपण चा कार्यक्रम घेण्यात आला कार्यक्रमाला सामाजिक वनीकरण विभाग जळगाव येथील वनक्षेत्रपाल इंगळे साहेब पाटील साहेब संस्थेचे अध्यक्ष जगतराव पाटील, शाळेच्या मुख्याध्यापिका कल्पना पाटील, प्रेरणा ज्येष्ठ नागरिक मंडळाचे सदस्य उपस्थित होते. शाळेच्या आवारात विविध वृक्षांची रोपे लावण्यात आली. वनपाल इंगळे यांनी विविध वृक्षांची माहिती सांगितली शाळेच्या मुख्याध्यापिका कल्पना पाटील यांनी पर्यावरणाचे महत्व विद्यार्थ्यांना पटवून दिले कार्यक्रमाला शिक्षक व शिक्षकेतर कर्मचारी उपस्थित होते.
