शिरसमणी ता.पारोळा येथील ग्रामदैवत संत उदासी यात्रोत्सवाच्या निमित्ताने सालाबादाप्रमाणे यावर्षी देखील भव्य बैलगाडा शर्यतीचे आयोजन करण्यात आले आहे.यावेळी संत उदासी बाबा यांना वंदन करून या आयोजित भव्य बैलगाडा शर्यतीचा उद्घाटन समारंभ पार पडला.
बैलगाडा शर्यत महाराष्ट्रातील एक पारंपरिक क्रीडा प्रकार आहे, ज्यामध्ये दोन बैलांचा एकजोड असलेल्या गाडीवर बसलेला शेतकरी त्यांना पळवून स्पर्धा करतो. ही शर्यत विशेषतः गावोगावी सण, उत्सव किंवा विशेष कार्यक्रमांदरम्यान घेतली जाते. महाराष्ट्रातील बैलगाडा शर्यत ही कोकण, पश्चिम महाराष्ट्र आणि मराठवाड्यातील शेतकऱ्यांची 450 वर्ष जुनी परंपरा आहे. महाराष्ट्रात बैलगाडा शर्यतीला मोठ्या प्रमाणावर लोकांचा प्रतिसाद मिळतो आणि ही शर्यत शेतकऱ्यांच्या श्रमाचं प्रतीक मानली जाते.









