धनंजय मुंडेंची गुन्हेगारी पार्श्वभूमी नाही, भगवानगड भक्कम पाठीशी, नामदेव शास्त्री महाराज म्हणाले, जातीय…

मस्साजोगचे सरपंच संतोष देशमुख यांच्या हत्येनंतर धनंजय मुंडे यांच्या निकटवर्तीय वाल्मिक कराडवर गंभीर आरोप करण्यात आली आहेत. देवेंद्र फडणवीस यांनी धनंजय मुंडे यांच्या राजीनाम्याबद्दल स्पष्ट भूमिका मांडली आहे. भगवानगडाचे महंत नामदेव शास्त्री यांनी धनंजय मुंडे यांच्याविषयी पाठराखण केली आहे.मस्साजोगचे सरपंच संतोष देशमुख यांच्या हत्येनंतर गंभीर आरोप केली जात आहेत. या हत्येतील एक आरोपी अजूनही फरार आहे. इतर आरोपींची चाैकशी सुरू आहे. धनंजय मुंडे यांचे निकटवर्तीय वाल्मिक कराड याच्यावर या प्रकरणात गंभीर आरोप झाली आहेत. गुन्हा दाखल झाल्यानंतर वाल्मिक कराड हा काही दिवस फरार होता आणि त्यानंतर त्याने पुण्यातील सीआयडीच्या कार्यालयात आत्मसर्मपण केले. आमदार सुरेश धस, संदीप क्षीरसागर आणि सामाजिक कार्यकर्त्या अंजली दमानिया यांच्याकडून धनंजय मुंडे यांच्या मंत्रिपदाच्या राजीनाम्याची मागणी केली जात आहे.

धनंजय मुंडे यांच्या राजीनाम्याबद्दल बोलताना देवेंद्र फडणवीस यांनी स्पष्ट भूमिका मांडलीये. सतत धनंजय मुंडे यांना मंत्रिपदाचा राजीनामा देण्याबद्दल दबाब टाकला जातोय. धनंजय मुंडे हे रात्रीच भगवान गडाचे महंत नामदेव शास्त्री महाराज यांची भेट घेण्यासाठी गेले. हेच नाहीतर धनंजय मुंडे यांनी भगवान गडावरच मुक्काम केला. यावेळी रात्री उशीरापर्यंत नामदेव शास्त्रींसोबत त्यांची चर्चा झाली.आता नामदेव शास्त्री यांच्याकडून धनंजय मुंडे यांची पाठराखण करण्यात आलीये. नामदेव शास्त्री नुकताच बोलताना म्हणाले की, जाणीवपूर्वेक धनंजय मुंडे यांना टार्गेट केले जातंय. धनंजय मुंडेंची गुन्हेगारी पार्श्वभूमी नाहीये. मुद्दाम धनंजय मुंडेंना गुन्हेगार ठरवले जात आहे. धनंजय मुंडे यांच्या पाठिशी भगवानगड आहे. भक्कमपणे आम्ही पाठीमागे असल्याचेही नामदेव शास्त्री यांनी सांगितले.नामदेव शास्त्री पुढे म्हणाले की, मुंडे खंडणी घेऊन जगणारा माणूस नाही. तो त्यांच्या गावाचा मुद्दा आहे, यामुळे सामाजिक सलोखा बिघडत आहे. खंडणीवर जगणारे हे नेते नाहीत. या प्रकरणाचा परिणाम वारकरी संप्रदायावर झाला आहे. ज्या लोकांना जातीयवाद माहिती नाही, त्यांना देखील आता कळाला. जे संत सामाजिक सलोखा निर्माण करतात, त्यांच्यामध्येही तेढ निर्माण झाल्याचे नामदेव शास्त्री यांनी म्हटले आहे. नामदेव शास्त्री यांनी या प्रकरणात धनंजय मुंडे यांची पाठराखण केली आहे.