नायजेरियात आत्मघातकी हल्ला! लष्करी तळाला केले लक्ष्य, २७ जवान गतप्राण; अनेकजण गंभीर जखमी.

नायजेरीयाच्या ईशान्य भागातील बर्नोमध्ये लष्कराच्या तळावर आत्मघातकी हल्ला करण्यात आला आहे. ज्यामध्ये २७ जवानांना आपले प्राण गमवावे लागले आहेत. ईस्लामी अतिरेक्यांनी हा हल्ला घडवून आणल्याची सुत्रांची माहिती आहे.नायजेरीयाच्या ईशान्य भागातील बर्नोमध्ये लष्कराच्या तळावर आत्मघातकी हल्ला करण्यात आला आहे. ज्यामध्ये २७ जवानांना आपले प्राण गमवावे लागले आहेत. ईस्लामी अतिरेक्यांनी हा हल्ला घडवून आणल्याची सुत्रांची माहिती आहे. तर नायजेरियन जवानांनी गेल्याच आठवड्यात ७९ अतिरेक्यांना आणि संशयित अपहरणकर्त्यांने मारले होते, त्यानंतर प्रतिहल्ला म्हणून अतिरेक्यांनी लष्करी तळाला लक्ष्य केल्याचे समजते. २७ जवानांमध्ये एका कमांडिंग ऑफिसरचाही समावेश असल्याचे देखील वृत्त आहे.

हा हल्ला नायजेरियन जवानांनी गेल्याच आठवड्यात ७९ अतिरेक्यांना आणि संशयित अपहरणकर्त्यांची मारले होते, त्याचाच परिणाम असल्याचे बोलले जातेय. गेल्या दशकभरात ईशान्येकडील इस्लामिक अतिरेक्यांकडून सुरू असलेल्या बंडखोरी आणि वायव्येकडील विविध सशस्त्र गटांनी केलेल्या हल्ल्याला प्रतिहल्ला म्हणून लष्करी तळाला लक्ष्य केले गेले.नायजेरियन सैन्यातील एका अधिकाऱ्याने सांगितले की, हल्ल्याच्या वेळी अंधार दाटला होता. त्यामुळे सैनिकांना आजूबाजूचे काही दिसू शकले नाही. सध्या बऱ्याच सैनिकांची प्रकृती चिंताजनक आहे. जखमींचा आकडा वाढण्याची शक्यता आहे. इस्लामिक स्टेट वेस्ट आफ्रिका प्रांतातील (ISWAP) कुख्यात किल्ला टिंबक्टू ट्रँगलमध्ये हा आत्मघातकी हल्ला करणाऱ्या बॉम्बरने स्फोटकांचे भरलेले वाहन शुक्रवारी रात्री दाट झाडीत लपवून ठेवले होते. संधी मिळताच ते वाहन नायजेरियन सैन्याच्या ताफ्यावर धडकले. जखमींपैकी अनेकांची प्रकृती चिंताजनक असल्याने मृतांचा आकडा वाढू शकतो, अशी माहिती देखील अधिकाऱ्याने दिली आहे.