‘इन्स्टाग्रामवर’सूत्र जुळले, पतीला शारीरिक व्याधी, म्हणून प्रियकराच्या मदतीने पत्नीने पतीला यमसदनी धाडले.

उत्तर प्रदेशातील कानपूरच्या बिठूर परिसरात एका तरुणाची निर्घृण हत्या करण्यात आली. या तरुणाची हत्या त्याच्याच पत्नीने, तिच्या प्रियकरासह अन्य एका व्यक्तीच्या मदतीने केली आहे.उत्तर प्रदेशातील कानपूरच्या बिठूर परिसरात एका तरुणाची निर्घृण हत्या करण्यात आली. या तरुणाची हत्या त्याच्याच पत्नीने, तिच्या प्रियकरासह अन्य एका व्यक्तीच्या मदतीने केली आहे. आबिद नावाचा तरुण जत्रेत आकाशपाळण्याचा स्विंगर म्हणून काम करायचा. काही काळापूर्वी आबिदचा स्विंग करताना अपघात झाला होता. आकाशपाळणा झुलत असताना अचानक खाली पडल्याने, आबिदच्या पाठीचा कणा तुटला. आबिदवर उपचार सुरू झाले. पतीचे आणि स्वतःचे पोट भरण्यासाठी आणि त्याच्यावर उपचार करण्यासाठी पैसे कमवायला लागत असल्यामुळे त्याच्या पत्नी शबानाला आबिदचे ओझे वाटू लागले.

दरम्यान, इन्स्टाग्रामवर रेहान नावाच्या ऑटो चालकाशी शबानाची मैत्री झाली. दोघांनी फोन नंबरची देवाणघेवाण केली. त्यानंतर त्यांच्यात ‘अफेअर’ सुरू झाले. दोघेही रोज भेटू लागले. त्यांच्यात संबंधही निर्माण झाले. शबानाला तिचे आयुष्य फक्त रेहानसोबतच जगायचे होते. मात्र आबिदचा, त्यांच्या नात्यात अडथळा निर्माण झाला होता. शबानाने हे रेहानसोबत ‘शेअर’ केल्यावर दोघांनीही एक ‘प्लॅन’ बनवला.रेहानने शबानाला सांगितले, जर आपल्याला एकत्र व्हायचे असेल तर आबिदला मारावे लागेल. पण हे काम आपण दोघेच पूर्ण करू शकत नाही. त्यामुळे यात आणखी कोणाचा तरी समावेश करावा लागेल. त्यावर “तु याविषयी तुझ्या ओळखीच्या व्यक्तीशी बोल, जो आपल्याला या कामात मदत करु शकेल” असे शबानाने त्यास सांगितले. तेव्हा रेहानला त्याचा मित्र विकासचा विचार आला. विकासला नवीन ऑटोरिक्षा घ्यायची होती.जेव्हा रेहान विकासशी याबद्दल बोलला तेव्हा विकास म्हणाला, “मी तुला मदत करू शकतो. मला त्या बदल्यात काही पैसे हवे आहेत”. त्यानंतर शबानाने रेहान आणि विकास या दोघांना काही पैसे दिले. त्यानंतर सोमवारी रात्री उशिरा नियोजनानुसार शबानाने आबिदला दारू पाजली. आबिदला पत्नीच्या नियोजनाची माहिती नव्हती. दारू पिऊन तो झोपला. त्यानंतर शबानाने रेहान आणि विकास यांना गुपचूप घरात बोलावले.शबाना आधी आबिदच्या छातीवर बसली. रेहानने आबिदचे दोन्ही हात पकडले व विकासने त्याचा गळा दाबला. असहाय्य आबिद काहीही करू शकला नाही. आणि त्यातच त्याचा वेदनादायक मृत्यू झाला. यानंतर शबानाने रेहान आणि विकासला तेथून परत पाठवले. त्यानंतर दुसऱ्या दिवशी सकाळी शबाना रडण्याचे नाटक करू लागली.तिचा आरडाओरडा ऐकून लोक घरात आले. आबिदचा मृत्यू अति मद्यपानामुळे झाला असावा, असे लोकांना वाटत होते.आबिदच्या मृत्यूबाबत पोलिसांनाही कळवण्यात आले. शवविच्छेदनानंतर अहवाल समोर आल्यानंतर ही हत्या असल्याचा संशय पोलिसांना आला. पोलिसांच्या चौकशीत शबानाने गुन्ह्याची कबुली दिली.