बांदेकरांचा बुक्का, ठाकरेंना धक्का; उदय सामंतांचा दावा खरा ठरला, पहिला नेता फुटला.

नगराध्यक्ष पदासाठी महाविकास आघाडी आणि महायुती दोघांनीही जोरदार फील्डिंग लावली होती. मात्र, एका मताने महाविकास आघाडीचा धुव्वा उडाला.कुडाळ नगरपंचायत नगराध्यक्ष पदासाठी आज पोटनिवडणूक पार पडली. या निवडणुकीमध्ये ठाकरे गटाला मोठा झटका बसला. महायुतीतर्फे भाजपच्या प्राजक्ता बांदेकर विजयी झाल्या आहेत. भाजपने शिवसेना (उद्धव बाळासाहेब ठाकरे) पक्षाचं एक मत फोडून विजय साकारला. ठाकरे गटाचे नेते वैभव नाईक यांच्यासाठीही हा मोठा धक्का मानला जात आहे. नगराध्यक्ष पदासाठी महाविकास आघाडी आणि महायुती दोघांनीही जोरदार फील्डिंग लावली होती.

मात्र, एका मतानेकुडाळ नगरपंचायतीवर ठाकरे गट आणि काँग्रेस अशी महाविकास आघाडीची सत्ता होती. दोन्ही पक्षांमध्ये ठरलेल्या अडीच-अडीच वर्षांच्या फॉर्म्युल्यानुसार काँग्रेसच्या अक्षता खटावकर यांनी जिल्हाधिकाऱ्यांकडे नगराध्यक्ष पदाचा राजीनामा सोपवला. त्यामुळे नगराध्यक्ष पोटनिवडणूक कार्यक्रम जिल्हाधिकाऱ्यांनी जाहीर केला होता.२० जानेवारीला नगराध्यक्ष पदासाठी महाविकास आघाडीकडून शिवसेना (उद्धव बाळासाहेब ठाकरे) पक्षाच्या नगरसेविका सई काळप, तर महायुतीकडून प्राजक्ता बांदेकर या दोघींनी उमेदवारी अर्ज मुख्याधिकारी अरविंद नातूंकडे सादर केला होता. त्या पार्श्वभूमीवर आज (शुक्रवारी) नगराध्यपदाची निवडणूक झाली.कुडाळ नगरपंचायतीत १७ नगरसेवक आहेत. यामध्ये ठाकरे गटाचे ७ आणि काँग्रेसचे दोन असे महाविकास आघाडीचे नऊ संख्याबळ आहे. तर भाजपचे ८ नगरसेवक आहेत. त्यामुळे केवळ एका नगरसेवकामुळे नगराध्यक्षपद ठरणार होते. ठाकरे गटाच्या एक नगरसेविका नॉट रिचेबल होत्या. आणि निवडणुकीचा गेम पालटला.दरम्यान, सिंधुदुर्गमध्ये आगामी काळात जिल्हा परिषद, नगरपालिका निवडणुका होणार आहेत. या निवडणुकांसाठी कुडाळची नगराध्यक्ष पदाची निवडणूक नांदी ठरेल. पुढच्या सर्व निवडणुकात महायुतीच्या माध्यमातून आम्ही विजय मिळवू अशा प्रकारचा दावा आमदार निलेश राणे यांनी केला आहे.कुडाळ नगरपंचायतीतील नगराध्यक्ष निवडीनंतर निलेश राणे यांनी कार्यकर्त्यांसह आनंदोत्सवात सहभाग घेतला होता. यानंतर बोलताना राणे म्हणाले, अडीच वर्ष कुडाळ शहराचा विकास रखडला होता आणि म्हणूनच इथला महविकास आघाडीचा एक नगरसेवक फुटला आहे. आता खऱ्या अर्थाने कुडाळचा विकास होईल.