कारवाई नको म्हणून १७ हजारांची लाच मागितली, अधिकाऱ्यांनी ‘खाकी’ची लाज घालवली.

१७ हजार रुपयांसाठी दोन पोलीस अधिकाऱ्यांनी लाच घेतल्याची घटना नांदेड जिल्ह्यात घडली आहे. वाळू वाहतूक करताना कोणतीही कारवाई होऊ नये, यासाठी वाळू वाहतूकदाराकडून लाच स्विकारणाऱ्या कुंडलवाडी पोलिस ठाण्यातील दोन पोलीस अधिकाऱ्यांना लाचलूचपत विभागाने रंगेहाथ पकडले आहे. सहाय्यक पोलीस निरीक्षक भागवत नागरगोजे आणि पोलीस उपनिरीक्षक नारायण शिंदे अशी पोलीस अधिकाऱ्यांची नावे आहेत.१७ हजार रुपयांसाठी दोन पोलीस अधिकाऱ्यांनी लाच घेतल्याची घटना नांदेड जिल्ह्यात घडली आहे. वाळू वाहतूक करताना कोणतीही कारवाई होऊ नये, यासाठी वाळू वाहतूकदाराकडून १७ हजाराची लाच स्विकारणाऱ्या कुंडलवाडी पोलिस ठाण्यातील दोन पोलीस अधिकाऱ्यांना लाचलूचपत विभागाने रंगेहाथ पकडले आहे. सहाय्यक पोलीस निरीक्षक भागवत नागरगोजे आणि पोलीस उपनिरीक्षक नारायण शिंदे अशी पोलीस अधिकाऱ्यांची नावे आहेत. या कार्यवाहीमुळे तालुक्यातील सर्व अधिकार्‍यांचे धाबे दणाणले आहेत.

जेव्हा वर्दीतल्या रक्षकांची लालसा वाढते तेव्हा त्याचा परिणाम संपूर्ण खात्यावर होतो. एक-दोन भ्रष्ट अधिकाऱ्यांपायी संपूर्ण पोलिस खात्याची बदनामी होते. जीथे कारवाई करणे आवश्यक आहे अशा ठिकाणी कारवाई न करता, काहीवेळा चौकटीत राहून काम करणाऱ्यांना कायद्याची भीती दाखवली जाते. आणि कारवाईचा बागूलबुवा दाखवून त्यांच्याकडून पैशांची मागणी केली जाते. पण जर कायदा समोरच्यालाही माहीत असेल तर, अशावेळी अधिकाऱ्यांनाही अद्दल घडते. असेच हे प्रकरण नांदेड येथे घडले आहे.यातील तक्रारदाराकडे एक हायवा वाहन आहे. वाहनाने कायदेशीर परवानगी असलेल्या वाळूच्या ठेक्यावरून ते ऑर्डर मिळाल्याप्रमाणे वाळू वाहतूक करतात. त्यांचे वाळू वाहतुकीचे हायवा वाहन कुंडलवाडी पोलीस ठाणे हद्दीतून वाळू वाहतूक करताना, त्यावर पोलिसांनी कोणतेही कारवाई करू नये या करिता पोलीस उपनिरीक्षक नारायण मारोतराव शिंदे यांनी स्वतःसाठी दहा हजार रूपये आणि सहाय्यक पोलीस निरीक्षक भागवत तुकाराम नागरगोजे यांच्यासाठी १५ हजार रुपयांची मागणी केली.तडजोडी अंती शिंदे यांनी स्वतःसाठी सात हजार रुपये आणि नागरगोजे यांच्यासाठी दहा हजार रुपये देण्याचे ठरले. मात्र वाळू वाहतूकदाराने लाच लुचपत विभागाकडे तक्रार केली. त्यानुसार मंगळवारी सापळा रचला. या दरम्यान पोलीस उपनिरीक्षकाने स्वतःचे आणि सहाय्यक पोलीस निरीक्षकाचे एकूण १७ हजार रुपये स्वीकारले. लाच लुचपत प्रतिबंधक विभागाने दोन्ही पोलीस अधिकाऱ्यांना ताब्यात घेतले आहे. विशेष म्हणजे ज्या पोलीस ठाण्यात होते, त्याच कुंडलवाडी ठाण्यात दोघा विरोधात गुन्हा दाखल करण्यात आला आहे. या घटनेने एकच खळबळ उडाली आहे.