नाशिकच्या पालकमंत्रिपदाबद्दल शिवसेना नेत्याचे मोठे विधान, म्हणाले, लवकरच शिंदे साहेब…

महायुतीचा मंत्रिमंडळ विस्तार झाला, त्यानंतर खातेवाटप देखील करण्यात आले. गिरीश महाजन नाशिकचे पालकमंत्री म्हणून जाहीर झाल्यावर शिवसेनेच्या कार्यकर्त्यांमध्ये नाराजी बघायला मिळाली. त्यानंतर आता या निर्णयाला स्थगिती देण्यात आली. आता शिवसेनेच्या नेत्याकडून मोठा दावा हा करण्यात आलाय.महायुतीला लोकांनी प्रचंड असे बहुमत दिल्यानंतर राज्यात मुख्यमंत्री म्हणून देवेंद्र फडणवीस यांनी शपथ घेतली. अजित पवार आणि एकनाथ शिंदे यांनी उपमुख्यमंत्री म्हणून शपथ घेतली. त्यानंतर मंत्रिमंडळ विस्तार नागपूरमध्ये करण्यात आला. या मंत्रिमंडळात अनेक नवीन चेहऱ्यांना संधी मिळाली आणि खातेवाटपही झाले. मात्र, गेल्या काही दिवसांमध्ये पालकमंत्रिपदावरून महायुतीमध्ये एकमत होत नसल्याचे बघायला मिळाले. पालकमंत्र्यांची घोषणा अखेर करण्यात आली. मात्र, त्यानंतर रायगड आणि नाशिकच्या पालकमंत्र्यांच्या निर्णयाला स्थगिती देण्यात आली.

रायगडचे पालकमंत्री म्हणून आदिती तटकरे यांच्या नावाची घोषणा करण्यात आली. दुसरीकडे नाशिकचे पालकमंत्री म्हणून गिरीश महाजन यांच्या नावाची घोषणा करण्यात आली. मात्र, यानंतर कार्यकर्त्यांमध्ये मोठी नाराजी बघायला मिळाली. शेवटी या दोन नावांना स्थिगिती देण्यात आली. गिरीश महाजन यांच्या नावाची घोषणा करण्यात आल्याने दादा भुसे हे नाराज असल्याची जोरदार होती. आता या निर्णयाला स्थगिती मिळाल्याने शिवसेनेचे कार्यकर्त्य आनंदी झाले आहेत.शिवसेना शिंदे गटाचे उपनेते अजय बोरस्ते यांनी आता मोठा दावा केलाय. फक्त हेच नाहीतर लवकरच गूड न्यूज मिळणार असल्याचेही त्यांनी म्हटले आहे. अजय बोरस्ते यांनी म्हटले की, मला वाटते की, शिवसेना ही कुठल्याही पदावर अवलंबून नसते. तुम्ही बघितले असेल की, ज्यादिवसापासून शिक्षणमंत्री म्हणून भुसे साहेबांनी शपथ घेतलीये. त्यादिवसापासून ते फिरत आहेत. शिक्षण पद्धतीमध्ये बदल करण्याचा ते प्रयत्न करत आहेत. सर्व कार्यकर्त्यांनी इच्छा होती की, आपला पालकमंत्री असायला हवा.मला असे वाटते की, आता लवकरच एक गूड न्यूज ही तुम्हाला नाशिकसाठी ऐकायला मिळेल. मी त्यावर बोलणे योग्य नाही, मी एक छोटा कार्यकर्ता आहे. यावर माननीय शिंदे साहेब हे योग्य तो निर्णय घेतील. म्हणजेच थोडक्यात काय तर दादा भुसे यांच्या नावाची घोषणा नाशिकचे पालकमंत्री म्हणून होऊ शकते. दुसरीकडे अजित पवार यांनी पुण्यासोबतच बीडचे पालकमंत्रिपद देखील स्वीकारले आहे.