संतोष देशमुख हत्या प्रकरणातील आरोपींना 14 दिवसांची न्यायालयीन कोठडी, 22 जानेवारीला…

धनंजय मुंडे यांच्याबद्दल मनोज जरांगेच्या विधानानंतर ओबीसी समाज आक्रमक झाला. आता संतोष देशमुख हत्या प्रकरणातील आरोपींना 14 दिवसांची न्यायालयीन कोठडी सुनावण्यात आली असून अजून एक आरोपी फरार आहे. संतोष देशमुख यांच्या हत्येनंतर गंभीर आरोप केली जात आहेत.

मस्साजोगचे सरपंच संतोष देशमुख यांच्या हत्येनंतर मोठी खळबळ निर्माण झालीये. राज्यात अनेक ठिकाणी आक्रोश मोर्चे काढण्यात आली. संतोष देशमुख यांच्या हत्येनंतर मराठा आणि ओबीसी संघर्ष बघायला मिळतंय. सातत्याने धनंजय मुंडे यांच्या राजीनाम्याची मागणी केली जात आहे. मनोज जरांगे हे धनंजय मुंडे यांच्याबद्दल बोलताना दिसले. त्यानंतर ओबीसी समाज आक्रमक होताना दिसला आणि थेट त्यांनी मनोज जरांगे पाटलांच्या विरोधात गुन्हे दाखल केली. धनंजय मुंडे यांचे निकटवर्तीय वाल्मिक कराड याला कोठडी सुनावण्यात आलीये.आता संतोष देशमुख हत्या प्रकरणातील आरोपी सुदर्शन घुले, सुधीर सांगळे, प्रतीक घुले, जयराम चाटे, महेश केदार, सिद्धार्थ सोनवणे यांना 14 दिवसांची न्यायालयीन कोठडी, ही सुनावण्यात आलीये. गेल्या काही दिवसांपासून यांची चाैकशी सुरू होती. संतोष देशमुख हत्या प्रकरणातील एक आरोपी अजूनही फरार आहे. त्याचा शोध हा पोलिसांकडून घेतला जातोय. मात्र, तो अजून फरार आहे.मस्साजोगचे ग्रामस्थ आणि धनंजय देशमुख हे आक्रमक होताना दिसले. पाण्याच्या टाकीवर चढून त्यांनी आंदोलन केले. दुसरीकडे वाल्मिक कराडचे समर्थक देखील आक्रमक होताना दिसले. परळी शहर बंद ठेऊन पोलिस स्टेशनसमोर ठिय्या आंदोलन करण्यात आले. फक्त हेच नाहीतर सातत्याने वाल्मिक कराडवरील खोटे गुन्हे मागे घेण्याची मागणी ही केली जात आहे.