कुर्ल्यातील हॉटेलमध्ये भीषण आग, मोठे नुकसान, नागरिकांमध्ये घबराट

 मुंबईच्या कुर्ला पश्चिमेतील एका हॉटेलला भीषण आग लागल्याची घटना उघडकीस आलीये. आग कशामुळे लागली याबाबत अद्याप माहिती नाहीये. आग विझवण्यासाठी अग्निशमन दलाचे मोठे प्रयत्न केले. सुदैवाने या आगीत जीवितहानी नाहीये.एक अतिशय धक्कादायक घटना पुढे येताना दिसतंय. कुर्ल्यात भीषण आगीची घटना घडली. एका हॉटेलमध्ये ही आग लागली. या आगीच्या घटनेचे अनेक फोटो आणि व्हिडीओ हे सोशल मीडियावर तूफान व्हायरल होताना दिसत आहेत. मिळालेल्या माहितीनुसार, कुर्ला पश्चिमेतील हॉटेल रंगूनमध्ये ही आग लागली. ही आग इतकी जास्त भीषण होती की, हॉटेलमधील संपूर्ण साहित्य जळून खाक झाले. मात्र, ही आग नेमकी कशी लागली याबद्दल काही माहिती ही मिळू शकली नाहीये.

आगीची माहिती मिळताच अग्निशमन दल घटनास्थळी दाखल झाले. आग विझवण्यास अग्निशमन दलाला मोठे प्रयत्न करावी लागली. आगीच्या घटनेची माहिती मिळताच लोकांनी देखील मोठ्या संख्येने घटनास्थळी धाव घेतली. आगीचे लोळ दूर दूरपर्यंत दिसत होते. व्हायरल होणाऱ्या व्हिडीओमध्ये दिसत आहे की, आगीमुळे संपूर्ण परिसरात धूर मोठ्या प्रमाणात झालाय. एक सुदैवाची बाब म्हणजे या आगीत कुठलीही जीवतहानी झाली नसल्याची माहिती मिळतंय.या आगीमध्ये दोन ते तीन गाळे जळून खाक झाली आहेत. ही आग विझवण्यासाठी अग्निशमन जवांनाना शर्यतीचे प्रयत्न करावे लागले. ही आग रात्रीच्या वेळी लागली होती. कुर्ला पश्चिमेतील भागात लोकांची वर्दळ कायमच असते. त्याच भागात आग लागल्याने काही वेळ मोठा गोंधळ निर्माण झाला. व्हायरल होणाऱ्या व्हिडीओमध्ये आग लागलेल्या ठिकाणी लोक हे मोठ्या संख्येने दिसत आहेत.आग लागल्यानंतर अवघ्या काही मिनिटांमध्ये तिथे अग्निशमन दल पोहोचले आणि आग नियंत्रणात आणली. अग्निशमन दलाच्या प्रयत्नांमध्ये ही आग अजून पसरली नाही आणि मोठा अनर्थ टळला. आता ही आग नेमकी कशाने लागली याचा शोध हा घेतला जातोय. या आगीच्या घटनेत मोठे नुकसान झाल्याचे देखील सांगितले जातंय. लवकरच आग नेमकी कशाने लागली, याची माहिती स्पष्ट होईल.