Rajendra Nikam
नंदुरबार जिल्हयात स्वतंत्र सेट परीक्षा केंद्र उपलब्ध करुन देण्याची उच्च न्यायालयातील ॲड. मनोज सूर्यवंशी यांची मागणी…सावित्रीबाई फुले विद्यापीठ पुणे यांच्यामार्फत आयोजन करण्यात येत असलेली सेट परीक्षा करिता नंदुरबार जिल्ह्यातून अनेक हजारो विद्यार्थी हे परीक्षा देत असतात तरीसुद्धा आजपर्यंत नंदुरबार जिल्ह्यासाठी स्वतंत्र परीक्षा केंद्र देण्यात आलेले नाही व वेळोवेळी अश्या स्वरूपाची मागणी ही होत असते व अनेक यातून अतिदुर्गम भाग असलेल्या नंदुरबार जिल्हयातील अनेक परिक्षार्थी यांची हलाखीची परिस्थिती असल्याने इतर जिल्हयात परीक्षा देण्याकरिता जावे लागते ही खर्चीक बाब असून परवडणारी नाही.
परंतु या जिल्हयात अतिदुर्गम व दळणवळणाची साधने कमी प्रमाणात असल्याने वेळेवर प्रवासाची साधने उपलब्ध होत नाहीत व बाहेरील जिल्हयात परीक्षा देण्यासाठी जात असल्याने खर्चीक व गैरसोयीचे असल्याने परिक्षार्थींना अनेक समस्यांना सामोरे जावे लागते.
तरी परिक्षार्थींची सोयीचे परीक्षा केंद्र नंदुरबार जिल्हयात उपलब्ध करुन देऊन परिक्षार्थ्यांची होणारी गैरसोय टाळावी जेणेकरुन जास्तीत जास्त परिक्षार्थी सहभागी होऊन शैक्षणिकदृष्टया निर्माण होणारे अडथळे दुर होण्यास मदत होईल. तरी नंदुरबार जिल्हयात स्वतंत्र सेट परीक्षा केंद्र उपलब्ध करुन देण्याची मागणी उच्च न्यायालयातील ॲड. मनोज सूर्यवंशी यांनी विद्यापीठ प्रशासनाकडे केलेली आहे.
%20गांधी%20यांचे%20निधन.){kind=link}
