एक्सपायर झालेल्या तारखा बदलण्याचं काम जीवावर बेतलं,बाटल्यांच्या स्फोटात कुटुंब होरपळलं

रहिवासी संकुलातील इमारतीच्या सदनिकेत अचानक स्फोट झाल्याने इमारतीतील रहिवासी, नागरिकांमध्ये काहीसे भीतीचे वातावरण पसरले. गुरुवारी रात्रीच्या सुमारास ही दुर्घटना घडली आहे. घटनेची माहिती मिळताच अग्निशमन दलाचे जवान घटनास्थळी दाखल झाले व स्फोटानंतर परिस्थितीवर तातडीने नियंत्रण मिळवण्यात आले.​सदनिकेत परफ्युमच्या बाटल्यांवरील तारखा बदलण्याचे काम सुरू असताना परफ्यूम बाटल्यांमधील गॅसमुळे स्फोट झाल्याची घटना नालासोपारा परिसरात घडली आहे. या स्फोटात सदनिकेत वास्तव्य करणाऱ्या एकाच कुटुंबातील चार जण जखमी झाले आहेत असून त्यांना उपचारासाठी रुग्णालयात दाखल करण्यात आले आहे.

महावीर वडर (वय ४१) हे त्यांची पत्नी, एक मुलगा, मुलगी अशा परिवारासह नालासोपारा येथील संकेश्वरनगर परिसरातील रोशनी अपार्टमेंट या इमारतीतील पहिल्या मजल्यावरील, ११२ क्रमांकाच्या सदनिकेत वास्तव्यास आहेत. वडर त्यांच्या परिवारासह परफ्यूमच्या बाटल्यांवरील तारखा बदलण्याचे काम करीत होते. याच दरम्यान परफ्यूमच्या बाटल्यांमध्ये अचानक भीषण असा स्फोट झाला. एका मागोमाग एक असे दोन ते तीन स्फोट झाल्याची प्राथमिक माहिती समोर आली असून, यामुळे घराच्या काचा देखील फुटल्या. या स्फोटात होरपळून घरातील चारही व्यक्ती जखमी झाले आहेत.

रहिवासी संकुलातील इमारतीच्या सदनिकेत अचानक स्फोट झाल्याने इमारतीतील रहिवासी, नागरिकांमध्ये काहीसे भीतीचे वातावरण पसरले. गुरुवारी रात्रीच्या सुमारास ही दुर्घटना घडली आहे. घटनेची माहिती मिळताच अग्निशमन दलाचे जवान घटनास्थळी दाखल झाले व स्फोटानंतर परिस्थितीवर तातडीने नियंत्रण मिळवण्यात आले.वडर कुटुंबीय त्यांच्या घरात, परफ्युमवरील संपलेल्या म्हणजेच एक्सपायर झालेल्या तारखा बदलण्याचे काम होत असल्याचे या घटनेवरुन समजते. यावेळी परफ्युमच्या बाटल्यांमध्ये असलेल्या गॅसचा अचानक स्फोट झाला या स्फोटात वडर कुटुंबीय होरपळले गेले. या दुर्घटनेत महावीर वडर (वय ४१ ) पत्नी सुनीता वडर, त्यांचा नऊ वर्षांचा मुलगा हर्षवर्धन वडर आणि १४ वर्षांची मुलगी हर्षदा वडर जखमी झाले असून, त्यांना उपचारासाठी रुग्णालयात दाखल करण्यात आले आहे. हर्षवर्धन वडर हा नववर्षाचा मुलगा या दुर्घटनेत गंभीर जखमी झाला असून त्याला उपचारासाठी नालासोपारा येथील लाईफ केअर रुग्णालयात दाखल करण्यात आले आहे. त्याच दुर्घटनेत जखमी अन्य तीन जणांना ऑस्कर रुग्णालयात दाखल करण्यात आले असून त्यांच्यावर उपचार सुरू आहेत.