पक्षातील गळती रोखण्यासाठी ठाकरेंचे डॅमेज कंट्रोल, पदाधिकारी रामराम करण्यावर ठाम; ठाकरे गटापुढे नवे आव्हान.

पुणे आणि मुंबईसोबतच अहिल्यानगरमध्येही शिवसेना उद्धव बाळासाहेब ठाकरे गटातील अनेक माजी नगरसेवक आणि पदाधिकारी ठाकरेंची साथ सोडण्याच्या तयारीत आहेत. नगर शहर व पारनेर येथील अनेक माजी नगरसेवक आणि पदाधिकाऱ्यांनी उपमुख्यमंत्री एकनाथ शिंदे यांच्या पक्षात प्रवेश केला आहे. त्यामुळे गळती थांबविण्यासाठी पक्षाने संपर्क प्रमुखाला जिल्ह्यात पाठवले होते. पुणे आणि मुंबईसोबतच अहिल्यानगरमध्येही शिवसेना उद्धव बाळासाहेब ठाकरे गटातील अनेक माजी नगरसेवक आणि पदाधिकारी ठाकरेंची साथ सोडण्याच्या तयारीत आहेत. विधानसभा निवडणुकीनंतर अहिल्यानगरमध्ये शिवसेना उद्धव बाळासाहेब ठाकरे पक्षाला गळती लागली आहे. नगर शहर व पारनेर येथील अनेक माजी नगरसेवक आणि पदाधिकाऱ्यांनी उपमुख्यमंत्री एकनाथ शिंदे यांच्या पक्षात प्रवेश केला आहे. त्यामुळे गळती थांबविण्यासाठी पक्षाने संपर्क प्रमुख आमदार सुनील शिंदे यांना नगरला पाठविले होते. त्यांनी घेतलेल्या बैठकीत पदाधिकाऱ्यांनी पक्षाकडून निराशा झाल्याचा सूर व्यक्त करीत पक्ष सोडण्यावर ठाम असल्याचे सांगितले.

सुपा (ता. पारनेर) येथे आमदार शिंदे यांनी पक्षाच्या स्थानिक पदाधिकाऱ्यांशी चर्चा केली. कोणीही पक्ष सोडून जाऊ, नये अशी विनंती त्यांनी उपस्थितांना केली. मात्र कोणीही ऐकण्याच्या मनस्थितीत नव्हते. उलट अनेकांनी यासंबंधीची कारणे सांगत शिंदे यांच्यावरच प्रश्नांची सरबत्ती केली. त्यामुळे त्यांच्यावरही निरुत्तर होण्याची वेळ आली.या पदाधिकाऱ्यांची तक्रार होती, की विधानसभा निवडणुकीवेळी वारंवार मागणी करूनही पक्षाकडून दखल न घेता नगर शहराची जागा राष्ट्रवादी काँग्रेसला सोडली. येथे शिवसेनेचा उमेदवार असता तर चित्र वेगळे असते. शहरात पक्ष, कार्यकर्ते टिकले असते. आता आम्ही कुणासाठी व कशासाठी थांबायचे, असा सवाल पदाधिकाऱ्यांनी संपर्क प्रमुख आमदार शिंदे यांना केला. शहरातील पक्षाच्या सर्व माजी नगरसेवक पक्ष सोडण्याच्या मानसिकतेत असल्याचेही सांगण्यात आले. यावेळी शहरप्रमुख संभाजी कदम, उपजिल्हाप्रमुख भगवान फुलसौंदर, नगरसेवक बाळासाहेब बोराटे, दत्ता कावरे, परेश लोखंडे, संतोष गेनाप्पा, जिल्हा परिषद सदस्य संदेश कार्ले, श्रीकांत पठारे उपस्थित होते.अहिल्यानगरमध्ये एकेकाळी शिवसेनेचा मोठा बोलबाला होता. दिवंगत माजी आमदार अनिल राठोड यांच्यासह अन्य कार्यकर्त्यांनी प्रयत्नपूर्वक पक्ष वाढविला आणि टिकविला. लोकसभा निव़णुकीत शिर्डीत पक्षाचे खासदार भाऊसाहेब वाकचौरे विजयी झाले आहेत. तर विधानसभा निवडणुकीत पक्षाचे माजी माजी मंत्री शंकरराव गडाख यांच्यासह अन्य उमेदवार पराभूत झाले. त्यानंतर आता मोठ्या प्रमाणावर पदाधिकारी पक्ष सोडत आहेत. नगर शहरातील तीन माजी नगरसेवकांनी उपमुख्यमंत्री एकनाथ शिंदे यांची भेटही घेतली आहे. तर माजी महापौर, त्यांचे पती आणि आणखी काही माजी नगरसेवकही लवकरच असाच निर्णय घेणार असल्याचे सांगण्यात येते. शिवसेना शिंदे गटाचे शहर प्रमुख सचिन जाधव यांनी या माहितीला दुजोरा दिला आहे.विधानसभा निवडणुकीत ठाकरे गटाला जागा न मिळाल्याने पदाधिकाऱ्यांत अस्वस्था होती. आता विधानसभेत महाविकास आघाडीचा पराभव झाल्याने महापालिका निवडणुकीची समीकरणे बदलणार आहेत. त्यामुळेच ठाकरे गटातील अनेकांनी ठाकरेंची वाट सोडून शिंदे गटात जाण्याची ठरविले आहे. त्यामुळे ठाकरे यांना मोठा धक्का बसणार आहे. शिवसेना एकत्रित असताना नगरच्या महापालिकेत अनेकदा सत्तेवर होती. विधानसभा निवडणुकीतील पराभवानंतर राज्यात अनेक ठिकाणी शिवसेना ठाकरे गटाला गळती लागली आहे. तशीच गळती नगर शहर आणि तालुक्यातही लागल्याचे दिसून येत आहे. मात्र, यातील बहुतांश पदाधिकारी भाजप नव्हे तर शिंदे गटात जाण्यासाठी इच्छूक आहेत. यासंबंधी शिंदे गटाचे शहर प्रमुख सचिन जाधव म्हणाले, ‘आमच्याकडे येणाऱ्या इच्छुकांसोबत आम्ही मुंबईत उपमुख्यमंत्री एकनाथ शिंदे यांची भेट घेणार आहोत. प्रवेश करणाऱ्यांची संख्या जास्त असेल तर प्रवेशाचा कार्यक्रम मुंबईऐवजी अहिल्यानगर शहरात ठेवण्याचे नियोजन आहे.’आता ठाकरे गटानेही डॅमेज कंट्रोल हाती घेतले आहे. मात्र स्थानिक स्वराज्य संस्था निवडणुकीची गणिते लक्षात घेत स्थानिक पदाधिकारी ऐकण्याच्या मनस्थितीत नाहीत. मात्र, ठाकरे गटातून भाजपमध्ये जाण्यापेक्षा शिंदे गटात जाण्याकडे जास्त कल असल्याचे दिसून येते. विधानसभा निवडणुकीत भाजपमधून शिंदे यांच्या पक्षात ऐनवेळी प्रवेश केलेले दोन उमेदवार निवडून आले आहेत. त्यामुळे जिल्ह्यात भाजप, राष्ट्रवादीसोबत शिंदे गटाची ताकद वाढण्याची चिन्हे आहेत.