नववर्षाच्या शुभेच्छा देऊन मुंबईला निघाले, वाटेत काळाचा घाला, भीषण अपघातात त्रिकोणी कुटुंबाचा अंत;

निलेश यांचे संपूर्ण कुटुंबं अपघातात गेले. त्यामुळे घटनेची माहिती मिळताच पिंपरी पेंढारमध्ये शोककाळा पसरली आहे. अपघाताची माहिती मिळताच ओतूर पोलिसांनी घटनास्थळी धाव घेतली. या घटनेचा पुढील तपास ओतूर पोलीस करत आहे. नववर्षाचे स्वागत सगळीकडे जल्लोषात करण्यात आले. मात्र अपघाताच्या घटनांनी देखील नवीन वर्ष गाजले. त्यातच नगर-कल्याण महामार्गावर काल बुधवारी भीषण अपघात झाला. या अपघातात एकाच कुटुंबातील तिघांचा मृत्यू झाला. हे कुटुंब सुट्टी संपवून मुंबईला आपल्या घरी निघाले होते. मात्र, वाहनांची समोरासमोर धडक झाली आणि एकाच कुटुंबातील तिघांचा करुण अंत झाला. या घटनेनं संपूर्ण जुन्नर तालुक्यावर शोककळा पसरली आहे.

निलेश ज्ञानेश्वर कुटे (वय ४०), जयश्री निलेश कुटे (वय ३५) आणि त्यांची मुलगी सान्वी निलेश कुटे (वय-१४, सर्व रा. पिंपरीपेंढार, साळशेत, ता. जुन्नर) अशी ठार झालेल्या एकाच कुटुंबातील व्यक्तीची नावे आहेत. निलेश हे मुंबईत चांगल्या पदावर कामाले होते. आपल्या गावाकडे ते सुट्टीसाठी आले होते, अशी माहिती समोर आली आहे. अपघाताबाबत मिळालेल्या माहितीनुसार, निलेश कुटे हे पिंपरी पेंढार या आपल्या गावावरून सर्वांना नवीन वर्षाच्या शुभेच्छा देऊन ते आपल्या कुटुंबासह दुचाकीवरून मुंबईच्या दिशेने निघाले होते. दुचाकी क्रमांक एमएच ०५ बीएक्स ४८२४ वरून कल्याणच्या दिशेने जात असताना त्याचवेळी कल्याण बाजूकडून नगरकडे येणारी कार क्रमांक एमएच १६ एटी ०७१५ यांची समोरासमोर जोरदार धडक झाली. ही धडक एवढी जोरात होती की दुचाकीवर असणारे निलेश आणि त्यांचे कुटुंब रस्त्यावर जोरात आदळले. त्यात त्या तिघांचा जागेवरच मृत्यू झाला. निलेश यांचे संपूर्ण कुटुंबं अपघातात गेले. त्यामुळे घटनेची माहिती मिळताच पिंपरी पेंढारमध्ये शोककाळा पसरली आहे. अपघाताची माहिती मिळताच ओतूर पोलिसांनी घटनास्थळी धाव घेतली. या घटनेचा पुढील तपास ओतूर पोलीस करत आहे.