Rajendra Nikam
बीड जिल्ह्याच्या केज तालुक्यातील मस्साजोगचे सरपंच संतोष देशमुख यांच्या हत्या प्रकरणाशी संबंधित खंडणी केसमधील आरोपी वाल्मिक कराड मंगळवारी पुण्यातील सीआयडी कार्यालयात शरण आला.पुणे: बीड जिल्ह्याच्या केज तालुक्यातील मस्साजोगचे सरपंच संतोष देशमुख यांच्या हत्या प्रकरणाशी संबंधित खंडणी केसमधील आरोपी वाल्मिक कराड मंगळवारी पुण्यातील सीआयडी कार्यालयात शरण आला. कराडनं आधी एक व्हिडीओ शेअर केला. आपण आत्मसमर्पण करणार असल्याची माहिती त्यानं दिली. त्यानंतर काही वेळातच तो पुण्यातील सीआयडीच्या मुख्यालयात पोहोचला. एका पांढऱ्या कारमधून त्यानं मुख्यालय गाठलं. माध्यमांच्या प्रतिनिधींशी काहीही न बोलता त्यानं हात जोडले. सध्याच्या घडीला कराडची सीआयडीच्या अधिकाऱ्यांकडून चौकशी सुरु आहे.महिंद्रा कंपनीच्या पांढऱ्या रंगाच्या नव्याकोऱ्या स्कॉर्पिओ कारमधून कराड सीआयडी मुख्यालयात पोहोचला. MH 23 BG 2231 असा या कारचा क्रमांक आहे. सीआयडीनं ही कार ताब्यात घेतलेली आहे. या कारमधून कराडसोबत कोण कोण आलं, याची चौकशीही झालेली नाही. सीआयडीनं सोडून दिलेली स्कॉर्पिओ कार सध्याच्या घडीला पुण्यातील शिवाजीनगर भागातील रस्त्यांवर फिरत आहे.
कराडनं आत्मसमर्पण करण्यासाठी ज्या कारमधून मुख्यालय गाठलं, ती कार अनिता शिवलिंग मोराळे यांच्या मालकीची आहे. शिवलिंग मोराळे हा मंत्री आणि राष्ट्रवादी काँग्रेसचे नेते धनंजय मुंडे यांचा कार्यकर्ता आहे. कराड माझ्या जवळचा असल्याची कबुली खुद्द धनंजय मुंडे यांनी दिलेली आहे. त्यानंतर आता कराडनं शरण येण्यासाठी वापरलेली कारदेखील मुंडे आणि बीडशी संबंधित आहे. या कारचं पासिंग बीडमध्ये करण्यात आलेलं आहे.एका वृत्तवाहिनीच्या प्रतिनिधीनं MH 23 BG 2231 कारमध्ये बसलेल्या व्यक्तीशी बोलण्याचा प्रयत्न केला. कार कोणाची? तुम्ही नेमके कोण? असे प्रश्न कारमधून आलेल्या व्यक्तीला विचारण्यात आले. पण कराड आलेली कार ही नव्हेच, असा दावा केला. त्यानं जास्त काही बोलण्यास नकार दिला. तो पटकन कारमध्ये बसला. त्यानंतर कार भरधाव वेगात निघून गेली.वाल्मिक कराड शरण येणार असल्याची पूर्वकल्पना सीआयडीच्या अधिकाऱ्यांना होती. कराड यानं सोशल मीडियावर व्हिडीओ शेअर केल्यानं माध्यम प्रतिनिधींची मोठी मुख्यालयाबाहेर होती. तिथला बंदोबस्तदेखील वाढवण्यात आला होता. माध्यमांचे प्रतिनिधी एका गेटजवळून वार्तांकन करत असताना कराडची कार दुसऱ्या गेटनं भरधाव वेगानं आत शिरली. त्यानंतर माध्यमांच्या प्रतिनिधींनी सीआयडी मुख्यालयाच्या प्रांगणात धाव घेतली. कराडला अनेक प्रश्न विचारण्यात आले. पण त्यानं बोलण्यास नकार दिला.
