Rajendra Nikam
दिल्लीनंतर आता मुंबईतही बेकायदेशीरपणे राहणाऱ्या बांगलादेशी नागरिकांवर धडक कारवाई सुरू झाली आहे. मुंबईत अवैधरित्या आलेल्या बांगलादेशी स्थलांतरितांविरोधात पोलिसांनी कठोर भूमिका घेतली आहे. मुंबई पोलिसांचे सहआयुक्त (कायदा व सुव्यवस्था) सत्यनारायण चौधरी यांनी याबाबत होत असलेल्या कारवाईची माहिती दिली. दिल्लीनंतर आता मुंबईतही बेकायदेशीरपणे राहणाऱ्या बांगलादेशी नागरिकांवर धडक कारवाई सुरू झाली आहे. मुंबईत अवैधरित्या आलेल्या बांगलादेशी स्थलांतरितांविरोधात पोलिसांनी कठोर भूमिका घेतली आहे. मुंबई पोलिसांचे सहआयुक्त (कायदा व सुव्यवस्था) सत्यनारायण चौधरी यांनी याबाबत होत असलेल्या कारवाईची माहिती दिली. त्यांनी सांगितले की,आतापर्यंत १९५ गुन्हे दाखल करून एकूण २७८ बांगलादेशी नागरिकांना अटक करण्यात आली आहे. कायदेशीर प्रक्रिया पूर्ण करून अटक करण्यात आलेल्या ५० बांगलादेशी स्थलांतरितांना परत पाठवण्यात आले आहे.
सत्यनारायण चौधरी पुढे म्हणाले की, गेल्या जवळपास तीन आठवड्यात मुंबईतील विविध भागांतून ५० बांगलादेशी नागरिकांना अटक करण्यात आली आहे. हे बांगलादेशी नागरिक मुंबईत भाड्याने राहतात. अशा स्थितीत घर मालकांना विशेष सूचनाही देण्यात आल्या आहेत. भाड्याने घर देण्यापूर्वी भाडेकरूंची संपुर्ण माहिती पोलिसांना द्या. या बाबतीत पोलिसांना सहकार्य न केल्यास कठोर कारवाईचा इशाराही सत्यनारायण चौधरी यांनी दिला. रविवारी रात्री मुंबईतील घाटकोपर येथे पोलिसांनी बेकायदेशीरपणे राहणाऱ्या तीन बांगलादेशींना अटक केली.मुंबईत बेकायदेशीरपणे राहणाऱ्या बांगलादेशी नागरिकांवर मुंबई पोलिसांनी धडक कारवाई करण्याचे सुरू केले आहे. ज्या बांगलादेशींना अटक केली त्यात शकील यारूल शेख, आलम अलाउद्दीन शेख आणि रसाल अकबर शेख अशी आरोपींची नावे आहेत. अटक करण्यात आलेला बांगलादेशी पनवेल येथे राहत असल्याचे पोलिसांनी सांगितले. चौकशीत आरोपींनी काही धक्कादायक खुलासे केले आहेत. त्यांनी सांगितले की, बांगलादेश मधून त्यांनी भारतीय सीमेत बेकायदेशीरपणे प्रवेश केला होता. सध्या बांगलादेशी आणि रोहिंग्यांच्या मुद्द्यावरून दिल्लीत जोरदार राजकारण सुरू आहे, हे विशेष. दिल्लीतील विधानसभा निवडणुकीपूर्वी बांगलादेशी आणि रोहिंग्यांच्या घुसखोरीचा मुद्दा चांगलाच तापल्याचे दिसून येत आहे. तसेच बेकायदेशीर स्थलांतरितांवरही वेगाने कारवाई करण्यात येत आहे. आणि आता मुंबई पोलिसांनी बेकायदेशीरपणे राहणाऱ्या बांगलादेशी नागरिकांविरोधात कठोर भूमिका घेतली आहे. पोलिसांच्या या कारवाईमुळे बांगलादेशी स्थलांतरितांमध्ये भीती निर्माण झाली आहे.
