मोहिते याच्यावर सिन्नर ग्रामीण रुग्णालयात प्राथमिक उपचार करून त्यास पुढील उपचारासाठी संगमनेर येथील खासगी रुग्णालयात दाखल करण्यात आले.सिन्नर-शिर्डी महामार्गावर मुसळगाव पुलावर नायलॉन मांजामुळे दुचाकीस्वाराचा गळा कापला गेल्याची घटना गुरुवारी (दि.२६) सकाळी ११ वाजेच्या सुमारास घडली. स्वप्नील मोहिते (वय २३, रा. हिवरगाव ता. अकोले) असे जखमी तरुणाचे नाव आहे.‌ तरुणाने हाताने मांजा धरल्याने गळ्याला किरकोळ जखम झाली. मात्र, त्याचा हात कापला गेला. तसेच मांजा आडवा आल्याने तोल जाऊन तो दुचाकीवरून रस्त्यावर पडल्याने त्याच्या बरगडीला फ्रॅक्चर झाले.मोहिते याच्यावर सिन्नर ग्रामीण रुग्णालयात प्राथमिक उपचार करून त्यास पुढील उपचारासाठी संगमनेर येथील खासगी रुग्णालयात दाखल करण्यात आले. महिनाभरात सिन्नरमध्ये नायलॉन मांजाने गळा कापल्याची ही चौथी घटना आहे.

नाशिक पतंग काढण्यासाठी पत्र्यावर चढल्यानंतर खाली पडल्याने चेहऱ्यास पत्रा लागून १८ वर्षीय युवक गंभीर जखमी झाला. ही घटना काझीगढी कुंभारवाडा येथे घडली. दर्शन संतोष आमले (१८) असे जखमी युवकाचे नाव आहे. पोलिसांच्या माहितीनुसार, दर्शन गुरुवारी (दि.२६) सायंकाळी ४.३० च्या सुमारास पतंग काढण्यासाठी पत्र्यावर चढला. मात्र, तो खाली पडल्याने त्याच्या चेहऱ्यास पत्रा लागला. नागरिकांनी त्यास तातडीने जिल्हा शासकीय रुग्णालयात दाखल केले प्रतिबंधित असणाऱ्या नायलॉन मांजा विक्रीप्रकरणी शहर पोलिसांनी दोन वेगवेगळ्या कारवाईत दोघांना ताब्यात घेतले. त्यांच्याकडून नऊ हजार ५०० रुपयांचा नायलॉन मांजा जप्त करण्यात आला. शहर पोलिस निरीक्षक धीरज महाजन यांच्या मार्गदर्शनाखाली शहर पोलिसांनी छापे मारून मन्सूर रिजवान शेख (वय ३६, रा. अमिना नगर, येवला) याच्या ताब्यातून पाच हजार रुपये किमतीचा मांजा जप्त केला, तर योगेश रंगनाथ लाकारे (वय ३५, रा. कमानीपुरा, येवला) याच्या ताब्यातून चार हजार ५०० रुपये किमतीचा नायलॉन मांजा जप्त करून दोघांविरोधात गुन्हा दाखल करण्यात आला.