Rajendra Nikam
दोन सख्ख्या भावांनी मिळून त्यांच्या आईला संपवल्याची धक्कादायक घटना समोर आली आहे. मुलांनी आईचा नैसर्गिक मृत्यू झाल्याचा बनाव रचला, पण शेजारच्यांमुळे हा बनाव फसला. हत्येच्या अनेक घटना समोर येत असतात. पण दोन मुलांनीच सख्ख्या आईची हत्या केल्याची धक्कादायक घटना समोर आली आहे. दोन भावांनी मिळून आधी आईला संपवलं. नंतर नैसर्गिक मृत्यू झाल्याचा बनाव रचून अंत्यसंस्काराची तयारी केली. पण शेजारच्यांच्या एक गोष्ट लक्षात आली आणि यानंतर जो खुलासा झाला तो हैराण करणारा आहे.मिळालेल्या माहितीनुसार, दोन्ही सख्ख्या भावांना आपल्या आईला आपल्यासोबत ठेवायचं नव्हतं. दोघांनाही वृद्ध आईची सेवा करायची नव्हती. त्यामुळेच दोघांनी आईसोबत भयंकर कृत्य करण्याची योजना आखली. दोघांनी मिळून आपल्या आईची गळा दाबून हत्या केली. त्यानंतर आईचा मृत्यू नैसर्गिकरित्या झाला हे दाखवून दिलं. नंतर आईच्या अंत्यसंस्काराची तयारीही केली. पण तेवढ्यात त्यांच्या शेजारच्यांना काहीतरी संशयास्पद वाटलं म्हणून त्यांनी पोलिसांत तक्रार दिली आणि अंत्यसंस्कार थांबवण्यात आले.पोलिसांनी अंत्यसंस्कार थांबवून वृद्ध महिलेचा मृतदेह शवविच्छेदनासाठी रुग्णालयात दाखल केला. त्यानंतर शवविच्छेदन अहवालात महिलेच्या निधनाचं खरं कारण समोर आलं. ही धक्कादायक घटना ग्वालियर येथील राय कॉलनीमध्ये घडली आहे.
