मुलीवरील अत्याचाराचा बदला घेण्यासाठी बाप थेट कुवेतहून भारतात, आरोपीची केली हत्या.

कुवेतमध्ये राहणारा एका व्यक्तीने आपल्या मुलीवर लैंगिक अत्याचार करणाऱ्या नातेवाईकाचा खून केल्याची धक्कादायक घटना आंध्र प्रदेशात घडली आहे. अंजनेय प्रसाद नावाच्या या व्यक्तीने भारतात येऊन आरोपीला लोखंडी रॉडने मारहाण करून हत्या केली आणि त्याच दिवशी कुवेतला परतला. त्यानंतर त्याने आपल्या यूट्यूब चॅनलवर गुन्ह्याची कबुली दिली. पोलिसांनी याप्रकरणी आता मोठा खुलासा केलाय. एका हत्येनंतर मोठी खळबळ संपूर्ण राज्यात निर्माण झालीये. आपल्या मुलीवर लैगिंक अत्याचार करणाऱ्या व्यक्तीचा बदल घेण्यासाठी थेट कुवेतवरून एक व्यक्ती भारतात दाखल झाली आणि थेट हत्या करून परत कुवेतला त्याचदिवशी विमानाने रवाना झाली. आपल्या चॅनलवर त्याबद्दल खुलासा करतानाही ती व्यक्ती दिसली आहे. ही घटना आंध्र प्रदेशच्या अन्नमय्या जिल्हातील आहे. या घटनेनंतर पोलिसही चक्रावले आहेत. पोलिसांकडून मिळालेल्या माहितीनुसार, तरुणाने आधी आरोपीचा खून केला आणि नंतर त्याच दिवशी विमानाने कुवेतला परत गेला.

आपल्या युट्युब चॅनलवर गुन्ह्याची कबुली दिली असून आपल्या मुलीवर नातेवाईकाने लैंगिक अत्याचार केल्याचा दावा केला त्याने केला. अंजनेय प्रसाद असे मुलीच्या वडिलांचे नाव आहे. राजमपेटचे उपविभागीय पोलीस अधिकारी एन. सुधाकर यांनी सांगितले की, अंजनेय प्रसाद हा व्यक्ती कुवेतहून भारतात आला होता आणि त्याने आपल्या मुलीवर लैंगिक अत्याचार केल्याच्या आरोपाखाली नातेवाईक पी.अंजनेयुलु (59) यांना लोखंडी रॉडने बेदम मारले. अंजनेय प्रसाद डिसेंबरच्या पहिल्या आठवड्यात भारतात आला आणि 6 डिसेंबरच्या रात्री अंजनेयुलूची हत्या केली. त्याने आपल्या गुन्ह्यांची कबुली दिली. प्रसादने व्हिडीओमध्ये म्हटले की, त्याच्या मुलीच्या तक्रारीवर पोलिसांकडून कारवाई केली गेली नाही. यामुळेच त्याने हत्या केली. आता पोलिसांनी प्रसादविरुद्ध खुनाचा गुन्हा दाखल करण्यात आलाय. पोलिसांनी सांगितले की, अन्नमय्या जिल्ह्यातील रहिवासी असलेला प्रसाद 15 वर्षांपासून कुवेतमध्ये राहतो. प्रसादचे एक यूट्यूब चॅनल देखील आहे. तो पत्नी आणि मुलीसह कुवेतमध्ये राहत होता. मात्र, नंतर त्याने आपल्या मुलीला सासरच्या मंडळींकडे सोडले आणि वेळोवेळी त्यांना पैसे पाठवत. मात्र, यादरम्यानच प्रसादच्या मुलीवर नातेवाईकांकडून लैगिंक अत्याचार करण्यात आले. मुलीवर लैगिंक अत्याचार झाल्याचे कळताच प्रसादच्या पत्नीने पोलिस ठाण्यात तक्रार दिली. मत्र, पोलिसांनी आरोपीला समजावून सांगत घरी सोडले. यानंतर प्रसादने ठरवून ही हत्या केली.