कबड्डी खेळताना भोवळ येऊन पडली, डोक्याला जबर मार लागल्याने विद्यार्थिनीचा मृत्यू; आई-वडिलांचा आक्रोश.

 सातारा शहरातील कन्या शाळेत दहावीमध्ये शिकत असलेली अक्षदा देशमुख (वय १५, रा. यादव गोपाळ पेठ) या मुलीचा शाळेमध्ये कबड्डी खेळाचा सराव करत असताना पडल्यामुळे डोक्याला मार लागल्याने बेशुद्ध पडली होती  सातारा शहरातील प्रसिद्ध असलेल्या कन्या शाळेतील विद्यार्थिनी अक्षदा विजय देशमुख (वय १५) ही शाळेच्या वेळेत नियमित कबड्डीचा सराव करत असताना पडून जखमी झाली होती. यावेळी तिच्या डोक्याला मार लागून तिचा दुर्दैवी मृत्यू झाला. याबाबत शाहूपुरी पोलिसांनी सांगितले की, सातारा शहरातील कन्या शाळेत दहावीमध्ये शिकत असलेली अक्षदा देशमुख (वय १५, रा. यादव गोपाळ पेठ) या मुलीचा शाळेमध्ये कबड्डी खेळाचा सराव करत असताना पडल्यामुळे डोक्याला मार लागल्याने बेशुद्ध पडली होती. यावेळी तिच्या नाकातून रक्त येत होते. सायंकाळी सव्वापाच वाजण्याच्या दरम्यान ही घटना घडली. यावेळी तिला शाळेतील शिक्षकांनी तिला प्रथम खासगी रुग्णालयात दाखल केले. मात्र तिला जिल्हा रुग्णालयात दाखल करण्यासाठी सांगण्यात आले. जिल्हा शासकीय रुग्णालयात दाखल केल्यानंतर वैद्यकीय अधिकारी डॉ. मानसी पाटील यांनी तिची वैद्यकीय तपासणी केल्यानंतर तिला मृत घोषित केले. या घटनेनं शाळा प्रशासन पुरते हादरुन गेले आहे.

अक्षदाच्या कुटुंबियांना या घटनेची माहिती समजल्‍यानंतर तिच्या काका, मामा यांनी रुग्णालयात धाव घेतली. मुलीचा मृत्‍यू झाल्‍याचे कळताच देशमुख कुटुंबियांनी एकच आक्रोश केला. तिला आई-बाबा नसल्याचे सांगण्यात आले आहे. पोलिसांना या घटनेची माहिती मिळाल्‍यानंतर त्‍यांनी घटनास्‍थळी आणि रुग्णालयात धाव घेतली. मुलीचे शवविच्छेदन केल्यानंतर डोक्याला जोराचा मार लागल्याने मृत्यू झाल्याचे डॉक्टरांचं म्हणणं आहे. या घटनेचा शाहूपुरी पोलीस ठाण्यात गुन्हा नोंद करण्यात आला आहे. तपास शाहूपुरी पोलीस ठाण्याच्या ए.पी.आय बाबर मॅडम करत आहेत. दरम्यान, सातारा जिल्ह्यातील जावळी तालुक्यात वर्ल्ड हेरिटेज साईट असलेल्या कास पठारावर एका हॉटेलमध्ये रेव्ह पार्टी सुरु होती. यावेळी नृत्य, अश्लील चाळे आणि दारुच्या नशेत एकमेकांमध्येच जोरदार हाणामारी झाल्याचा प्रकार घडला आहे. ही घटना शनिवारी रात्री साडेदहा वाजताच्या सुमारास एकीव गावातील हॉटेल जय मल्हारमध्ये घडल्याची माहिती आहे.