अंबरनाथमध्ये खळबळ, मित्रासोबत पार्टी सुरू असताना अचानक अल्पवयीन मुलाच्या गुप्तांगावर वार, काय घडलं.

अंबरनाथमध्ये एका अल्पवयीन मुलावर पार्टीदरम्यान जीवघेणा हल्ला झाला. त्याच्या गुप्तांगावर वार करण्यात आले. आरोपी हा मुलाचा मित्र असून पोलिसांनी त्याला १२ तासांत अटक केली. शिवाजीनगर परिसरात गेल्या दोन महिन्यांत तीन हत्या झाल्याने पोलिसांनी गस्त वाढवली आहे. ठाणे जिल्ह्यातील अंबरनाथ येथे एक धक्कादायक घटना घडली आहे. पार्टीला करत असलेल्या अल्पवयीन मुलावर वार करून त्याच्यावर जीवघेणा हल्ला केला गेला होता. काही तासांमध्येच पोलिसांनी आरोपील बेड्या ठोकल्या आहेत. या घटनेमध्ये अल्पवयीन मुलाच्या गुप्तांगावर वार करण्यात आले होते. आरोपी ही अल्पवयीन मुलाचा मित्रच असून पार्टीमध्ये नेमकं काय घडलं ते जाणून घ्या.

पार्टीत झालेल्या वादातून एका तरुणाची धारदार शस्त्राने भोसकून हत्या झाल्याची घटना अंबरनाथच्या बारकूपाडा परिसरात घडली आहे. याप्रकरणी शिवाजीनगर पोलिसांनी अवघ्या १२ तासातच आरोपीला बेड्या ठोकल्या आहेत. दरम्यान शिवाजीनगर पोलीस ठाण्याच्या हद्दीत मागील दोन महिन्यात हत्येच्या ३ घटना घडल्या आहेत, त्यामुळे पोलिसांची गस्त आणि प्रतिबंधात्मक कारवाया वाढवण्यात आल्याची माहिती पोलिसांनी दिली आहे.  बारकू पाडा परिसरात १८ वर्षीय अल्पवयीन मुलगा घराजवळ मित्र महेश डाबी आणि मित्रांसोबत पार्टी करत बसला होता. यावेळी तिथे आलेला आरोपी समीर वाघे याचे त्यांच्याशी वाद झाले. या वादातून समीर वाघे याने त्याच्याकडे असलेल्या धारदार शस्त्राने महेश डाबी याच्या डोक्यावर आणिअल्पवयीन मुलाच्या गुप्तांगावर वार केले होते. यात गंभीर जखमी झालेल्या तुषार याचा उपचारांदरम्यान मृत्यू झाला. याप्रकरणी शिवाजीनगर पोलिसांनी तपासाची चक्रं फिरवत अवघ्या १२ तासातच आरोपी समीर वाघे याला अंबरनाथ एमआयडीसी परिसरातून अटक केली आहे.

दरम्यान समीर वाघे याच्यावर यापूर्वीचा एक घरफोडीचा गुन्हा दाखल असून त्याला आज न्यायालयात हजर केलं जाणार असल्याची माहिती पोलीस उपायुक्त सचिन गोरे यांनी पत्रकार परिषदेत देत सांगितले की आठ तारखेला ही घटना घडली, मयत इसम आणि दोन जण पार्टी करत होते. जो आरोपी आहे, तो तिथे आला आणि मलाही तुमच्या पार्टीत सामील करून घ्या असे सांगितले आणि नंतर वाद झाला, आरोपीने वार केले आणि अल्पवयीन मुलाचा मृत्यू झाला, असे पोलीस उपायुक्त सचिन गोरे यांनी सांगितले.