Rajendra Nikam
कै.नारायणराव मेटकर वाचनालयात प्रज्ञासुर्याना अभिवादन..
विषेश /प्रतिनिधी (शिवानंद पांचाळ नायगांवकर) भारतीय राज्यघटनेचे शिल्पकार विश्वरत्न डॉ बाबासाहेब आंबेडकर यांच्या महापरिनिर्वाण दिनानिमित्त नायगाव तालुक्यातील मौजे मरवाळी येथील कै.नारायणरावजी मेटकर सार्वजनिक वाचनात सदर वाचनालयाचे सचिव रा.ना. मेटकर यांच्या अध्यक्षतेखाली विनम्र अभिवादन करण्यात आले.
डॉ. बाबासाहेब आंबेडकर यांचे अथांग कार्य या देशासाठी असताना त्यांनी या देशासाठी भारतीय संविधान निर्मिती करून त्यातून खरी लोकशाही व स्वतंत्र्याची सर्वसामान्य माणसासह सर्वांना ओळख करून दिली असल्याने या महान प्रज्ञासूर्याचे सहा डिसेंबर 1956 रोजी महापरिनिर्वाण झाले.या निमित्ताने त्यांना देशभरात अभिवादन करण्यात आले असून मरवाळी येथील प्रसिद्ध असलेले कै .नारायणरावजी मेटकर सार्वजनिक वाचनालयात डॉक्टर बाबासाहेब आंबेडकर यांच्या प्रतिमेस पुष्प अर्पण करून त्यांना विनम्र अभिवादन करून संविधानाचे वाचन करण्यात आले.यावेळी ग्रंथालयच्या अध्यक्षा सौ.आशा मेटकर,ग्रंथालयाचे सचिव श्री रा. ना. मेटकर,जेष्ठ महिला श्रीमती चंदरबाई विठ्ठलराव मेटकर, कर्मचारी संजय आनंदा मेटकर, बाल वाचक प्रथमेश, ऋषिकेश, गंगाधर आदी जण उपस्थित होते.
