घरामागे कोणीतरी पूजा घातल्याचा संशय, पाटील कुटुंबाचं टोकाचं पाऊल, सासू-सुनेचा मृत्यू, बापलेक गंभीर.

सर्व जण एकाच घरात असताना सामुदायिक आत्महत्येचा प्रयत्न झाला. सून काजल समीर पाटील, वय 30, आणि सासू रमेजा अल्लाउद्दीन पाटील, वय 45, या दोघींचा जागीच मृत्यू झालाकवठेमहांकाळ तालुक्यातील नांगोळे गावात एकाच कुटुंबातील दोन महिलांसह चौघांनी सामुदायिक आत्महत्येचा प्रयत्न केल्याची खळबळजनक घटना शुक्रवारी दुपारी घडली. या घटनेत सासू आणि सुनेचा जागीच मृत्यू झाला; तर बापलेकाला बेशुद्ध अवस्थेत शासकीय रुग्णालयात दाखल करण्यात आलं, अशी माहिती कवठेमंकाळ पोलिस ठाण्याचे पोलीस निरीक्षक ज्योतीराम पाटील यांनी दिली आहे.

मिळालेल्या माहितीनुसार, नांगोळे येथे बाळासाहेब उर्फ अल्लाउद्दीन पाटील यांचे कुटुंब राहते. त्यांची दोन ठिकाणी घरे असून, मुलगा, सून आणि दोन नातू; तर दुसऱ्या घरात अल्लाउद्दीन पाटील पत्नीसह राहत असत.शुक्रवारी दुपारीही सर्व जण एकाच घरात असताना सामुदायिक आत्महत्येचा प्रयत्न झाला. सून काजल समीर पाटील, वय 30, आणि सासू रमेजा अल्लाउद्दीन पाटील, वय 45, या दोघींचा जागीच मृत्यू झाला; तर अल्लाउद्दीन आणि समीर या दोघांनाही बेशुद्धावस्थेत रुग्णालयात दाखल करण्यात आले आहे.अल्लाउद्दीन यांचा शेती व्यवसाय आहे. त्यांच्या घराच्या पाठीमागील जनावरांच्या गोठ्याजवळ कोणी तरी कसली तरी पूजा केली होती, त्यानंतर आपल्या घरात त्रास होण्याचे प्रमाण वाढल्याचा त्यांचा ग्रह झाला होता, अशी गावात स्थानिकांमध्ये चर्चा होती.

दुसरीकडे, सोलापुरातील वसंत विहार येथे राहणाऱ्या 44 वर्षीय प्रशांत रवींद्र राजहंस याने 34 वर्षीय पत्नी भाग्यश्री राजहंस हिचा चाकूने गळ्यावर वार करून खून केल्याचा थरारक प्रकार समोर आला आहे. त्यानंतर प्रशांतने स्वत: फौजदार चावडी पोलिस ठाण्यात जाऊन गुन्ह्याची कबुली दिली. प्रशांत व्यवसायाने वकील आहे. ही घटना शुक्रवारी सकाळी सव्वाअकरा वाजताच्या सुमारास उघडकीस आली.पोलिसांनी दिलेल्या माहितीनुसार, प्रशांत राजहंसने स्वतःहून पोलिसात हजर होऊन आपल्या पत्नीचा खून केल्याची माहिती दिली. पत्नी भाग्यश्रीसोबत भांडण झाल्याने त्याने चाकूने तिच्या गळ्यावर वार केले. पोलिस घटनास्थळी पोहोचले तेव्हा भाग्यश्री जखमी आणि बेशुद्धावस्थेत होती. तिला सोलापूर येथील शासकीय रुग्णालयात नेले असता, उपचारापूर्वीच तिचा मृत्यू झाल्याचं डॉक्टरांनी घोषित केलं.