सरकारी कर्मचाऱ्याचा पगार ढीगभर तरी ‘मलई’ची हाव, तक्रारदाराने डाव खेळला अन् ACB ने मुख्याधिकाऱ्याला रंगेहाथ पकडला.

 कंत्राटदाराने केलेल्या सिमेंट रस्त्याचे बिल काढण्यासाठी आणि कामातील अडथळे दूर करण्यासाठी चव्हाण यांनी लाच मागितली. कंत्राटदाराने याबाबत ACB कडे तक्रार केली. तक्रारीनुसार, चव्हाण यांनी गुरुवारी १२ लाख रुपयांची मागणी केली.बीडमधील माजलगाव नगरपालिकेचे मुख्याधिकारी चंद्रकांत चव्हाण लाच घेताना रंगेहाथ पकडले गेले. ACB (लाचलुचपत प्रतिबंधक विभाग) ने ही कारवाई केली. चव्हाण यांनी एका कंत्राटदाराकडून १२ लाख रुपयांची लाच मागितली होती. त्यातील ६ लाख रुपये घेताना त्यांना अटक झाली. माजलगावमध्ये नगरोत्थान योजनेची कामे सुरू आहेत.

कंत्राटदाराने केलेल्या सिमेंट रस्त्याचे बिल काढण्यासाठी आणि कामातील अडथळे दूर करण्यासाठी चव्हाण यांनी लाच मागितली. कंत्राटदाराने याबाबत ACB कडे तक्रार केली. तक्रारीनुसार, चव्हाण यांनी गुरुवारी १२ लाख रुपयांची मागणी केली. त्यापैकी ६ लाख रुपये त्याच दिवशी आणि बाकीचे ६ लाख रुपये शुक्रवारी देण्याचे ठरले.शुक्रवारी तक्रारदार ६ लाख रुपये घेऊन चव्हाण यांच्या घरी गेले. चव्हाण यांनी पैसे स्वीकारताच ACB ने त्यांना पकडले. “सहा लाख रुपये लाच घेताना कारवाई करण्यात आल्यानंतर त्याच्या माजलगाव येथील तसेच जामखेड येथील घरावरही छापा टाकत तपासणी करण्यात येत आहे,” असे पोलिसांनी सांगितले. चव्हाण यांच्या घरावर झडती सुरू आहे.

त्यांच्या घरात काहीतरी मोठे घबाड सापडण्याची शक्यता आहे.दुसरीकडे, पंढरपुरातून महत्त्वाची बातमी समोर आली आहे. पंढरपुरातील शेतकऱ्यांचा राजवाडा म्हणून ओळख असणाऱ्या विठ्ठल सहकारी साखर कारखान्याची बदनामी थांबवण्यासाठी एका कथित कामगार नेत्याने चक्क 10 लाख रुपये खंडणी घेतली आहे. किरण घोडके असं तथाकथित कामगार नेत्याचं नाव आहे. किरण घोडके याला खंडणी घेताना पोलिसांनी ताब्यात घेतलं असल्याची प्राथमिक माहिती आहे.आमदार अभिजीत पाटील चेअरमन असणाऱ्या विठ्ठल सहकारी कारखान्याच्या कामगारांच्या लढ्यासाठी किरण घोडके गेले काही दिवस लढत होते. याच दरम्यान आपण कारखान्याची बदनामी करत नाही त्या बदल्यात 1 कोटी रुपयांच्या खंडणीची मागणी किरण घोडके याने केली असल्याची माहिती पुढे आली. यानंतर किरण घोडके याने 10 लाख रुपये खंडणी घेताना पोलिसांनी त्याला ताब्यात घेतलं आहे. घोडके याची पोलीस सध्या कसून चौकशी करत आहेत.