भांडताना रागात पत्नीने पतीवर त्रिशूल उगारला, तो थेट कडेवरील मुलाच्या डोक्यात…; कोवळ्या जीवाचा हृदयद्रावक अंत .

दौंड तालुक्यातील केडगाव येथे हृदय पिळवटून टाकणारी घटना घडली आहे. आंबेगाव पुनर्वसन येथे एका ११ महिन्याच्या बालकाचा त्रिशूल डोक्यात लागून मृत्यू झाल्याची घटना घडली. नवरा बायकोच्या भांडणातून ही धक्कादायक घटना घडल्याचे वृत्त आहे.दौंड तालुक्यातील केडगाव येथे हृदय पिळवटून टाकणारी घटना घडली आहे. आंबेगाव पुनर्वसन येथे एका ११ महिन्याच्या बालकाचा त्रिशूल डोक्यात लागून मृत्यू झाल्याची घटना घडली. नवरा बायकोच्या भांडणातून ही धक्कादायक घटना घडल्याचे वृत्त आहे. याप्रकरणी यवत पोलीस स्टेशनमध्ये गुन्हा दाखल करण्यात आला आहे .वृ्त्तानुसार, सचिन मेंगवडे आणि त्याची पत्नी पल्लवी यांच्यामध्ये जोरदार भांडण सुरु होते. त्यांच्या राहत्या घरात वाद सुरु असताना पल्लवीची भावजय भाग्यश्री त्यांच्या ११ महिन्याच्या मुलाला घेऊन उभी होती. त्यांचे भांडण सोडविण्यासाठी भाग्यश्री घरात गेली. यावेळी पल्लवीने आपल्या हातातील त्रिशूलाने नितीन याला मारण्याचा प्रयत्न केला.

मात्र हा त्रिशूळ नितीन याने चुकविल्याने तो शेजारी भावजयीच्या कडेवर असणाऱ्या अकरा महिन्याच्या बाळाच्या डोक्यात घुसला. त्रिशूलाचा प्रहार इतका भयंकर होता की, ११ महिन्याचे बाळ जागीच ठार झाले.घटनेची माहिती मिळताच यवत पोलीस घटनास्थळी दाखल झाले. आरोपी पल्लवी, तिचा नवरा व पल्लवीच्या दिरालाही ताब्यात घेत पुढील तपास सुरु केला आहे. निष्पाप बालकाला आपला जीव गमवावा लागल्याने परिसरात हळहळ व्यक्त होत आहे.आरोपींनी घटनास्थळावर पडलेले रक्त व त्रिशुल कशाने तरी साफसफाई करुन पुरावा नष्ट कऱण्याचा प्रयत्न केल्याचे पोलिसांनी सांगितले. अंधश्रद्धेतून हा प्रकार घडला आहे का? यादृष्टीने पोलीस तपास करत आहेत.

नागपुरमध्येही गुरुवारी सायंकाळी हृदयद्रावक घटना घडली. गणेशोत्सवासाठी तयार करण्यात आलेल्या कृत्रिम विसर्जन टाकीत बुडून सात वर्षीय मुलाचा मृत्यू झाला. लकडगंज परिसरातील कच्ची वीसा मैदानात महेश कोमल थापा (वय ७) हा खेळत असताना तेथे असलेल्या मोठ्या कृत्रिम टाकीत त्याला बॉल दिसला. बॉल बाहेर काढण्यासाठी महेश टाकीत उतरला. मात्र, टाकीत नेमके किती पाणी आहे, याचा अंदाज न आल्याने तो खोल पाण्यात गेला आणि बुडून त्याचा मृत्यू झाला. महेशच्या मृत्यूने परिसरातील नागरिक हळहळले आहेत. मृत महेशचे वडील कोमल थापा सुरक्षा रक्षक म्हणून काम करतात. महेश आपल्या तीन भावंडांमध्ये सगळ्यात मोठा होता. त्याच्या जाण्याने कुटुंबावर दुःखाचा डोंगर कोसळला आहे.