अघोरी उपचारासाठी मायलेकींना वर्षभर घरातच डांबलं, महाराष्ट्र हादरला! पोलिसांना पाहून मांत्रिकाने.

वंजारी फैल भागात राहणारा पालवे हा एका सामाजिक संस्थेच्या रुग्णवाहिकेवर चालक म्हणून काम करतो. मांत्रिक म्हणून त्याची ओळख असल्याने दिग्रस येथील नीतू जयस्वाल या उपचारासाठी येत होत्या. त्यांच्यासोबत १४ वर्षांची मुलगीही सोबत येत होती. अघोरी उपचाराच्या नावाखाली मांत्रिकाने मायलेकींना वर्षभर घरातच डांबून ठेवल्याची संतापजनक घटना सोमवारी यवतमाळातील वंजारी फैलमध्ये समोर आली. पोलिसांनी मांत्रिकाच्या घरावर छापा टाकून या मायलेकींची सुटका केली. या प्रकरणात मांत्रिकासह चौघांना ताब्यात घेण्यात आले आहे.महादेव परशुराम पालवे उर्फ माउली, असे या मांत्रिकाचे नाव आहे. वंजारी फैल भागात राहणारा पालवे हा एका सामाजिक संस्थेच्या रुग्णवाहिकेवर चालक म्हणून काम करतो. मांत्रिक म्हणून त्याची ओळख असल्याने दिग्रस येथील नीतू जयस्वाल या उपचारासाठी येत होत्या. त्यांच्यासोबत १४ वर्षांची मुलगीही सोबत येत होती. उपचाराच्या नावाखाली पूर्जाअर्चा करून मांत्रिकाने त्यांना संमोहित केले. यानंतर मायलेकी मांत्रिकाच्या घरीच राहू लागल्या.

काही दिवसांनंतर मुलीलाही बाधा झाल्याचे सांगून त्याने अघोरी उपचार सुरू केले. उपचाराच्या नावाखाली तो चटके देत होता. बाहेरच्या शक्तींनी शरीरात प्रवेश केल्याचे सांगून बेदम मारहाणही करायचा. जेवण बंद केल्याने दोघीही अशक्त झाल्या. दोन दिवसांपासून मांत्रिकाकडे काही तरी वेगळेच भयानक कृत्य सुरू असल्याचा संशय शेजाऱ्यांना आला. त्यांनी शहर पोलिसांना याविषयीची माहिती दिली. माहिती मिळताच ठाणेदार रामकृष्ण जाधव यांनी पथकासह मांत्रिकाच्या घरावर छापा टाकला. नीतू यांच्यासह त्यांच्या मुलीची सुटका केली.नीतू या पतीपासून वेगळ्या राहत असल्याने वडील आणि भाऊ नाराज होते. त्यांनी मुलीशी संबंध तोडले होते.

म्हणूनच वर्षभरापासून मांत्रिकाने त्यांना डांबून ठेवले असतानाही कुणीही चौकशी केली. हीच संधी साधून मांत्रिक पालवे हा मायलेकींना शौचासाठीही घराबाहेर जाऊ देत नव्हता. पोलिसांना एका खोलीत पूजेचे साहित्य, शौचासाठीच्या पिशव्यांचा साठा आढळला.पोलिसांना पाहताच मांत्रिक पालवे याने चाकूने स्वतःचा गळा कापून दबाव टाकण्याचा प्रयत्न केला. मात्र प्रसंगावधान राखत पोलिसांनी जखमी मांत्रिकाला वसंतराव नाईक शासकीय वैद्यकीय महाविद्यालयाच्या रुग्णालयात दाखल केले.मागील दोन दिवसांपासून मांत्रिक पालवे याच्या घरी अघोरी पूजा वाढल्या देवघराच्या शेजारी त्याने मोठा खड्डा खोदला. गुरुपौर्णिमेला नीतूच्या मुलीचा गुप्तधनासाठी नरबळी देण्याची योजना त्याने आखली होती, अशी शंका व्यक्त होत आहे.