भाजप नेते गोपाल खेमकांना संपवलं, चार दिवसात आरोपीचा ‘निकाल’, मध्यरात्री चकमकीत ठार.

 गोपाल खेमका हत्या प्रकरणात विकास उर्फ ​​राजा आरोपी होता. तो बेकायदेशीर शस्त्रे बनवण्यात आणि विकण्यात सक्रिय होतागोपाल खेमका हत्या प्रकरणातील आरोपी विकास उर्फ राजा याचा मंगळवारी पहाटे पोलिसांच्या चकमकीत मृत्यू झाला. बेकायदेशीर शस्त्रे निर्मिती आणि विक्री प्रकरणात आरोपी सामील होता. विशेष तपास पथक (एसआयटी) आणि स्पेशल टास्क फोर्स (एसटीएफ) यांच्या संयुक्त पथकाने केलेल्या कारवाईदरम्यान ही घटना घडली. विकासने पोलिसांवर गोळीबार केला, त्यानंतर झालेल्या चकमकीत तो मारला गेला. घटनास्थळावरून एक पिस्तूल, एक बुलेट आणि एक काडतूस जप्त करण्यात आले आहे.

मिळालेल्या माहितीनुसार, गोपाल खेमका हत्या प्रकरणात विकास उर्फ राजा आरोपी होता. तो बेकायदेशीर शस्त्रे बनवण्यात आणि विकण्यात सक्रिय होता. विशेष तपास पथक (एसआयटी) आणि स्पेशल टास्क फोर्स (एसटीएफ) यांच्या संयुक्त पथकाला ही माहिती मिळाल्यानंतर त्यांनी कारवाई सुरू केली.पोलिसांनी सांगितले की, विकासने पोलिसांना पाहताच त्यांच्यावर गोळीबार सुरू केला. जवाबी कारवाईत विकास मारला गेला. ही घटना मंगळवारी पहाटे 2.45 वाजताच्या सुमारास घडली. विकासचा मृतदेह पाटण्यातील नालंदा मेडिकल कॉलेजमध्ये शवविच्छेदनासाठी पाठवण्यात आला आहे.दरम्यान, गोपाल खेमका हत्या प्रकरणात पोलिसांनी सोमवारी दोघांना अटक केली होती. यात गोळीबार करणाऱ्या व्यक्तीचाही समावेश आहे. याशिवाय, कॉन्ट्रॅक्ट किलरला सुपारी देणाऱ्या एका संशयित व्यक्तीलाही ताब्यात घेण्यात आले आहे.

एका अधिकाऱ्याने सांगितले की, “स्पेशल टास्क फोर्स आणि पाटणा पोलिसांनी संयुक्तपणे दोघांनाही पाटण्यात पकडले आहे. तपास सुरू आहे. योग्य वेळी अधिक माहिती दिली जाईल.”गोपाल खेमका यांची 4 जुलै रोजी रात्री 11.40 वाजता पाटण्यातील त्यांच्या घराबाहेर दुचाकीवरून आलेल्या हल्लेखोराने गोळ्या झाडून हत्या केली होती. या घटनेच्या सात वर्षांपूर्वी त्यांच्या मुलाचीही वैशाली जिल्ह्यातील हाजीपूर येथे गोळ्या झाडून हत्या करण्यात आली होती.ही घटना खेमका यांच्या गांधी मैदान परिसरातील घराच्या गेटजवळ घडली. या घटनेनंतर मुख्यमंत्री नितीश कुमार यांनी शनिवारी राज्यातील कायदा व सुव्यवस्थेचा आढावा घेण्यासाठी बैठक घेतली. त्यांनी अधिकाऱ्यांना लवकरात लवकर तपास पूर्ण करण्याचे निर्देश दिले होते.