चंद्रभागेत आंघोळ केली, दर्शनाला निघाले पण नियतीच्या मनात भलतंच, वारकऱ्यासोबत वाईट घडलं.

बुलढाण्यातील चिखली तालुक्यातील कवठळ येथील वारकऱ्याचा पंढरपूरमध्ये हृदयविकाराच्या झटक्याने मृत्यू झाला. आषाढी एकादशीनिमित्त गावकऱ्यांसोबत दर्शनासाठी पंढरपूरला गेलेल्या रामदास यांना चंद्रभागेत स्नान करून मंदिरात जात असताना त्यांचा मृत्यू झाला.रविवारी सर्वत्र आषाढी एकादशीचा उत्साह बहुतांश विशेषतः शेतकरी वर्ग आणि ग्रामीण भागातील भाविक भक्त हे थेट पंढरपूरला जाऊन विठुरायाला आपल्या डोळ्यांमध्ये त्याचे गोजरवान रूप एक क्षण पाहण्याकरता आतुर झाले असता .आणि याकरता ते थेट पंढरीत दाखल होतात. मात्र बुलढाण्यात एक दुःखद घटना समोर आली आहे पंढरीच्या वारीत गेलेला वारकऱ्याचा हृदयविकाराच्या झटक्याने मृत्यू झाला आणि विठुरायाच दर्शन घेण्याआधीच मृत्यूने त्याला कवटाळले.बुलढाणा जिल्ह्यातील चिखली तालुक्यातील कवठळ येथील रहिवासी असलेले 42 वर्ष रामदास पडघान हे पंढरपूरला गेले होते. त्या ठिकाणी त्यांना ह्रदयविकाराचा तीव्र झटका आला असता. लगेच सोबत असलेल्यांनी त्यांना रुग्णालयात हलविले मात्र डॉक्टरांनी त्यांना मृत घोषित केले. ही घटना 5 जुलै रोजी सायंकाळी घडली.अंधेरा पोलीस स्टेशन अंतर्गत येणाऱ्या कवठळ येथील 40 ते 50 जण भाविक दरवर्षी पंढरपूरला आषाढीनिमित्त दर्शनासाठी जातात. यावर्षी सुद्धा गावातील भाविकांसोबत रामदास हे पंढरपूरला दर्शनासाठी गेले होते. त्या ठिकाणी चंद्रभागेत आंघोळ करून मंदिराकडे जात असताना रस्त्यावरील फळे विकत घेतली .आणि सर्वजण एका ठिकाणी बसून फळे खात होते.

दरम्यान रामदास पडघान यांच्या छातीमध्ये वेदना होऊ लागल्या. हे पाहून सोबतच्या गावकऱ्यांनी मंडळांनी त्यांना लगेच जवळच्या रुग्णाण्यात हलविले. मात्र डॉक्टरांनी तपासणी केली असता त्यांना मृत घोषित केले.या घटनेची माहिती पोलिसांना दिली असता पोलिसांनी घटनास्थळी येऊन पंचनामा करून मर्ग दाखल केला .या घटनेमुळे पंढरपूरला गेलेले सर्वजण मृतक रामदास पडघन यांना घेऊन गावी परतले. या घटनेमुळे गावात दुःखाचे सावट पसरले आहे. घरातील कर्ता पुरुष गेल्याने त्यांच्या मागील पत्नी एक मुलगा मुलगी आई-वडील यांच्यावर दुःखाचा डोंगर कोसळला आहे.