‘थांब तुझा गेमच करतो’; प्रसिद्ध रीलस्टारवर जीवघेणा हल्ला, शिवीगाळ करत तिघांनी मारलं, पुण्यात खळबळ.

आकाश बनसोडेच्या पाठीमागून डोक्यावर भुवई जवळ, ओठांजवळ, पायाच्या मांडीवर धारदार शस्त्राने वार केले यामध्ये आकाश बनसोडे याला जिवे मारण्याचा प्रयत्न झाला. आकाश बनसोडे याला ठार मारण्याच्या प्रयत्नाचा गुन्हा यानंतर दाखल करण्यात आला.राज्याची सांस्कृतिक राजधानी असणाऱ्या पुण्यात गुन्हे काही कमी होताना दिसत नाहीत.

दहशत मजवण्यासाठी हातात कोयते घेऊन तोडफोड करणाऱ्यांपासून खून, बलात्कार सारख्या घटना सर्रास घडताना दिसत आहेत. यातच भर म्हणजे वाघोलीतील रीलस्टार आकाश उर्फ आक्या बनसोडेवर धारदार शस्त्राने तिघांनी प्राण घातक हल्ला केला आहे. या हल्ल्यात आकाश बनसोडे हा गंभीर जखमी झाला असून त्याच्यावर सध्या एका खासगी रुग्णालयात उपचार सुरू आहेत. हल्ला करणाऱ्या तिघांना वाघोली पोलीस आणि गुन्हे शाखेच्या युनिट 6 ने संयुक्त कारवाई करत अटक केले आहे.आकाश बनसोडे हा वाघोली परिसरातील बाईक रोड या ठिकाणी वास्तव्यास आहे. त्याचे उबाळे नगर येथे हिरो मोटार शोरूम समोर न्यू मेन्स वेअर कपड्यांचे दुकान आहे. गुरुवारी रात्री आकाश बनसोडे हा आपल्या दुकानात होता. त्यावेळेस त्याच्या दुकानात तीन जण अचानक आले आणि शिवीगाळ करत ‘थांब तुझा गेमच करतो’, असं म्हणत त्याच्यावर धारदार शास्त्राने वार करण्यास सुरुवात केली. या तिघांनी आकाश बनसोडे च्या पाठीमागून डोक्यावर भुवई जवळ, ओठांजवळ, पायाच्या मांडीवर धारदार शस्त्राने वार केले यामध्ये आकाश बनसोडे याला जिवे मारण्याचा प्रयत्न झाला. आकाश बनसोडे याला ठार मारण्याच्या प्रयत्नाचा गुन्हा यानंतर दाखल करण्यात आला.याप्रकरणी ज्ञानोबा जाधव (वय १८) यांनी फिर्याद दिली असून पोलिसांनी आपले घर, खराडी येथे राहणाऱ्या अनिकेत दीपक वानखेडे, प्रवीण गोविंद माने व एका अल्पवयीन तरुणाला अटक केली आहे. वाघोली पोलीस अधिक तपास करत आहेत.