दोघांच्याही पदरात तीन मुलं, तरी ‘लग्नानंतर झालंच प्रेम’; विवाहित प्रेमीयुगलाने आयुष्य संपवलं, महाराष्ट्र हादरला.

घरापासून काही अंतरावर राहत असल्याने दोघांमध्ये जवळीक वाढली आणि त्यांचे प्रेमसंबंध जुळले. जिल्ह्यात परधाडे (ता. पाचोरा) येथे एका विवाहित प्रेमी युगलाने रेल्वेखाली उडी घेऊन आत्महत्या केल्याची घटना गुरुवार, दि. 3 जुलै रोजी सकाळी समोर आली. योगेश रामदास ठाकरे, वय 35 वर्ष आणि मीना बबलू ठाकरे, वय 28 वर्ष अशी मृतांची नावे आहेत. पाचोरा पोलिस ठाण्यात अकस्मात मृत्यूची नोंद करण्यात आली आहे.परधाडे (ता. पाचोरा) येथील रहिवासी असलेल्या योगेश आणि मीना यांचे वर्षभरापासून प्रेमसंबंध होते.

विशेष म्हणजे, योगेशला त्याच्या पत्नीपासून तीन मुले आहेत, तर मीनालाही तिच्या पतीपासून तीन मुले आहेत. घरापासून काही अंतरावर राहत असल्याने दोघांमध्ये जवळीक वाढली आणि त्यांचे प्रेमसंबंध जुळले.या अनैतिक संबंधांची माहिती दोन्ही कुटुंबांना मिळाल्यानंतर विरोध झाल्याने योगेश ठाकरे तीन महिन्यांपासून चाळीसगाव तालुक्यातील त्याच्या बहिणीच्या गावी राहत होता. तीन दिवसांपूर्वीच तो परधाडे येथे परतला होता. बुधवारी दुपारी तीन वाजताच्या सुमारास योगेश आणि मीना घरातून एकत्र पळून गेले. त्यांचा अनेक ठिकाणी शोध घेण्यात आला. परंतु, गुरुवारी सकाळी दहा वाजताच्या सुमारास रेल्वेच्या डाऊन साईडवरील पोल क्रमांक 384/25 जवळ त्यांचे मृतदेह आढळून आले.दुसरीकडे, सागाची झाडे तोडण्याची परवानगी देण्यासाठी 8 हजार रुपयांची लाच स्वीकारताना जळगाव जिल्ह्यातील पारोळा वनविभागाचे दोन वनपाल लाचलुचपत प्रतिबंधक विभागाच्या सापळ्यात रंगेहाथ सापडले. दिलीप भाईदास पाटील (वय 52, रा. देवपूर, धुळे) आणि वैशाली ज्ञानेश्वर गायकवाड (वय 38, रा. चोरवड, ता. पारोळा) अशी लाचखोर वनपालांची नावे आहेत.या प्रकरणी पारोळा पोलिसांत गुन्हा दाखल करण्यात आला. एका व्यापाऱ्याने इंधवे शिवारातील एका शेतकऱ्याकडून 60 हजार रुपयांचे सागवान लाकूड खरेदी करण्याचा व्यवहार केला होता. यासाठी वन विभागाकडून आवश्यक परवानगी मिळवण्यासाठी त्यांनी रीतसर अर्ज केला होता. याच परवानगीसाठी संशयितांनी आठ हजारांची लाच मागितली होती.