भर सभागृहात वाळू चोरीचा आरोप करणाऱ्या परबांना मंत्री योगेश कदमांचे चॅलेंज, जर मी…

विधानसभेत शिवसेना नेते अनिल परब यांनी गृहराज्यमंत्री योगेश कदम यांच्यावर वाळू पकडल्याचा गंभीर आरोप केला, मात्र ती वाळू गरिबांना न देता स्वतःसाठी वापरल्याचा दावा केला. कदम यांनी परब यांचे आरोप फेटाळले असून पुरावे सादर करण्याचे आव्हान दिले आहे.पावसाळी अधिवेशनात शिवसेना उद्धव बाळासाहेब ठाकरे पक्षाचे नेते अनिल परब यांनी गृहराज्यमंत्री योगेश कदम हे स्वतः वाळू पकडतात मात्र ती गरिबांना दिली जात नाही, याचे पुरावे पुढील तीन दिवसात सभागृहात देतो असा असा मोठा आरोप केल्याने खळबळ उडाली आहे. परबांच्या या आरोपाला गृहराज्यमंत्री योगेश कदम यांनीही जशास तसे रोखठोक उत्तर देत तुमच्याकडे असलेले पुरावे असतील तर ते विधानसभा अध्यक्ष महोदयांकडे दया मंत्री महोदयांकडे दयावेत आणि जर का ते पुरावे नाही देऊ शकले तर त्यांनी माझी जाहीर माफी मागावी असं थेट आव्हानच त्यांनी अनिल परब यांना दिल आहे. अनिल परब यांनी कोणतीही माहिती पुरावे न देता देता माझी बदनामी करण्यासाठीच राजकीय सुडाच्या भावनेतूनच त्यांनी हे वक्तव्य केले आहे असाही आरोप योगेश कदम यांनी केला आहे.मी राज्यमंत्री म्हणून जर अवघ्या कोकणातच नव्हे तर संपूर्ण महाराष्ट्रात मी स्वतः कुणीकडे वाळूची गाडी अडवली असेल पकडली असेल वाळूच्या डेपोवर गेलो असेल आणि ही कारवाई केल्यानंतर आपण ती मागे घ्यायला लावली असेल आणि असं कुणीकडेही झालं असेल तर मी त्यांच्या सांगण्याची वाट बघणार नाही मी स्वतः राजीनामा देऊन टाकेन.

फक्त बेछूट आरोप करायचे फक्त बदनामी करण्याकरता हे सगळे त्यांचे सुरू आहे आणि खरंतर विधिमंडळाचे काही नियम असतात ते नियम डावलून त्यांनी तो विषय तिथे मांडला पण यावर सभापती महोदयांनी जो काही योग्य निर्णय द्यायचा होता तो दिला. परंतु अनिल परब यांनी राज्यमंत्री महसूल असा उल्लेख करून माझी नाहक बदनामी करण्याचा जो प्रयत्न केला आहे पण मला वाटतं की मला जे ओळखतात त्यांना माझा स्वभाव माहिती आहे.आजवर मी राजकारणात 22 वर्षे आहे लोकप्रतिनिधी म्हणून मी मागील सात वर्षे काम पाहतोय माझ्या मतदारसंघांमध्ये देखील किंवा मंत्री म्हणून देखील माझ्यावर आजवर कोणीही कुठलेही आरोप करूच शकले नाही स्वच्छ छबी मी आजपर्यंत टिकवली आणि यापुढे भविष्यातही ती आपण टिकवणार आहे.आणि माझे यावर एकच म्हणणं आहे सन्माननीय अनिल परब यांच्याकडे जे काही पुरावे आहेत ते त्यांनी असतील तर ते दयावेत मी स्वतः राजीनामा देऊन टाकेन अशा शब्दात अनिल परब यांच्या आरोपाला शिवसेनेचे युवा नेते गृहराज्यमंत्री योगेश कदम यांनी दिलं आहे.

त्यांनी केलेले आरोप हे खोटेच आहेत त्यांचं म्हणणं आहे ना तर मग त्यांनी पुरावे समोर आणावेत हे माझं त्यांना चॅलेंज आहे तरी म्हटलं की मी वाळूची गाडी अडवली मी कुठल्या डेपोवर गेलो सीसीटीव्ही कॅमेरामध्ये आहे असं त्यांचं म्हणणं आहे त्यांच्याकडे जे काही पुरावे आहेत ते त्यांनी समोर आणावेत असा आवाहन योगेश कदम यांनी दिल आहे. जर का मी दोषी आढळलो कोणत्या सीसीटीव्हीत वाळूचे डेपोत जाताना गाडी अडवताना दिसलो तर मी स्वतःहून राजीनामा देऊन टाकेन.मंत्री महोदयांनी त्यांना तुम्ही ठराविक माहिती द्या आम्ही कारवाई करू असे सांगितले आहे पण त्यांनी कोणत्याही जिल्ह्यात कोणत्या तालुक्यात झालं याचा उल्लेख न करता कधी झालं हेही सांगितलेलं नाही त्यांनी याबद्दल त्यांनी कोणतीही कुठलीही माहिती दिलेली आहे.आपण महसूल राज्यमंत्री पदाचा कार्यभार स्वीकारल्यानंतर ज्या काही राज्यात कारवाया होत आहेत त्या आपण स्पष्टपणे कोणतेही कॉम्प्रमाईज न करता त्या आपण कडक कारवाया आपण करायला लावले आहेत. वाळू माफियांवरती आळा घालण्यासाठीचे कडक निर्देश आपण प्रत्येक जिल्ह्याला जिल्हाधिकाऱ्यांना जिल्हा प्रशासनाला दिले आहेत असेही गृहराज्यमंत्री योगेश कदम यांनी म्हटलं आहे. त्यांच्यावर कायदेशीर कारवाई करणार का यावर ते म्हणाले की अधिवेशन संपेपर्यंत त्यांनी पुरावे आणून दयावेत त्यानंतर आपण याबाबत योग्य तो निर्णय घेऊ असाही सूचक इशारा योगेश कदम यांनी अनिल परब यांना दिला आहे.