मुलीवर उपचार करुन परतणाऱ्या कुटुंबावर काळाचा घाला, बाप-लेकीसह तीन जणांचा वेदनादायी अंत.

गाडीची झाडावर बसलेली धडक इतकी भीषण होती की ट्रॅक्टरने कार बाहेर काढण्यात आली आणि आत अडकलेल्या जखमींना मोठ्या कष्टाने बाहेर काढण्यात आले.एका कुटुंबाचा भीषण अपघातात दुर्दैवी अंत झाला आहे. लखनऊहून मुलीवर उपचार करून परतणाऱ्या एका कुटुंबाची कार झाडावर आदळली, त्यात तीन जणांचा मृत्यू झाला आहे. सोमवारी(३० जून) रात्री १०.३० वाजता उत्तर प्रदेशातील लखीमपूर भिरा महामार्गावरील मालपूर येथे हा भीषण अपघात झाला.मृतांमध्ये जितेंद्र कुमार उर्फ राजा पटेल (३२), त्यांची ४ वर्षांची मुलगी श्रद्धा आणि वहिनी सीमा देवी (३२) यांचा समावेश आहे. जितेंद्र त्यांच्या मुली श्रद्धाच्या बोटाच्या समस्येवर उपचार घेण्यासाठी लखनऊला गेले होते.

सोमवारी रात्री १०.३० च्या सुमारास हा अपघात झाला. जितेंद्रची पत्नी सुषमा (३०) आणि कारमध्ये प्रवास करणारा शिवम (२२) गंभीर जखमी झाले आहेत. दोघांवरही लखनऊ ट्रॉमा सेंटरच्या आयसीयूमध्ये उपचार सुरू आहेत. ही धडक इतकी भीषण होती की आर्टिका कारचे तुकडे तुकडे झाले. धडकेनंतर कारच्या मागच्या सीटवर बसलेला हर्षित पटेल (१५) बाहेर फेकला गेला. त्याने घरी फोन करून घटनेची माहिती दिली. धडकेनंतर कारमध्ये असलेल्या सहा महिन्यांचा मुलगाही बाहेर फेकला गेला.अपघाताची माहिती मिळताच कुटुंबातील सदस्य अंकित बाजपेयी कारने घटनास्थळी पोहोचले. त्यांनी पोलिसांना याबाबत माहिती दिली.

गाडीची झाडावर बसलेली धडक इतकी भीषण होती की ट्रॅक्टरने कार बाहेर काढण्यात आली आणि आत अडकलेल्या जखमींना मोठ्या कष्टाने बाहेर काढण्यात आले. माहिती मिळताच भिरा पोलिसांचे पथक घटनास्थळी पोहोचले आणि सर्व जखमींना रुग्णवाहिकेने ओएल ट्रॉमा सेंटरमध्ये पाठवण्यात आले. तेथे दोघांना मृत घोषित करण्यात आले.गंभीर जखमी झालेल्या तिघांना लखनऊ ट्रॉमा सेंटरमध्ये रेफर करण्यात आले, जिथे सीमा देवी यांचा वाटेतच मृत्यू झाला. गुलेरियाचे रहिवासी अंकित वाजपेयी आणि पोलिसांनी जखमींना रुग्णालयात नेले. अंकित लखनऊमध्ये जखमींवर उपचार करण्याची व्यवस्था करत आहे. एकाच कुटुंबातील तिघांच्या मृत्यूमुळे परिसरात शोककळा पसरली आहे.