9 तासाच्या चाैकशीत संदिपान भुमरेंच्या चालकाची उडवाउडवीची उत्तरे; 150 कोटींच्या जमीन गिफ्ट प्रकरणी पाय खोलात?

खासदार संदिपान भुमरे यांचे चालक जावेद शेख अडचणीत आला आहे. सालारजंग यांच्या वंशजांनी जावेदला करोडो रुपयांची जमीन बक्षीस दिली. या प्रकरणी आर्थिक गुन्हे शाखेने जावेदची नऊ तास चौकशी केली. चौकशीत जावेदने समाधानकारक उत्तरे दिली नाहीत. त्यामुळे त्याला पुन्हा चौकशीसाठी बोलावले आहे.सालारजंग यांच्या वंशजानी संदिपान भुमरे यांचा चालक जावेद याला तब्बल 150 कोटींची जमीन हीजानामा (गिफ्ट) केली. याप्रकरणी आर्थिक गुन्हे शाखेने भुमरे यांच्या ड्रायव्हरची चौकशी केली. नऊ तास झालेल्या चौकशीत पोलिसांनी जावेदला प्रश्नावली दिली होती. यात जावेदने समाधानकारक उत्तरे दिली नाही. या संपूर्ण चौकशीत जावेदने पोलिसांना सहकार्य केलं नसल्याची माहिती पोलीस सूत्रांनी दिली आहे, यामुळे पोलीस पुन्हा जावेदला चौकशीसाठी बोलावणार आहेत.छत्रपती संभाजीनगर जिल्ह्याचे खासदार संदिपान भुमरे यांचे चालक जावेद शेख याला सालारजंग यांच्या वंशज असलेल्या मीर मेहमूद यांनी दीडशे कोटी रुपये किंमतीची जागा गिफ्ट दिली. परभणीच्या एका वकिलांनी आर्थिक गुन्हे शाखेला याप्रकरणी तक्रार दिली.

या तक्रारीनंतर आर्थिक गुन्हे शाखेने संदिपान भुमरे यांचे चालक शेख जावेद याला चौकशीसाठी बोलावले. शेख जावेद वकिलासह आर्थिक गुन्हे शाखेत आला. यावेळी आर्थिक गुन्हे शाखेचे पोलीस निरीक्षक संभाजी पवार, सहाय्यक पोलीस निरीक्षक सय्यद यांनी जावेदची नऊ तास चौकशी केली.जावेदला प्रश्नावली देण्यात आली होती. यामध्ये सालारजंग यांचे वंशज मीर महमूद यांनी तुम्हाला दीडशे कोटींची जागा दिली. जावेद यांचे मीर मेहमूद यांच्याशी नाते काय? हिबानामा नामा कोणत्या आधारावर झाला? तुम्हालाच जमीन कशी मिळाली? तक्रारदार यांच्या दाव्यानुसार जमीन त्यांना हिबानामा करून देण्यात आली होती तर तुमच्या नावे दुसरा हिबानामा कसा केला? असे प्रश्न विचारण्यात आले.

याप्रकरणी जावेद याने समाधानकारक उत्तरे दिले नसल्याने पोलिसांनी जावेद याला पुन्हा चौकशीला हजर राहण्याचे आदेश दिले आहे.याप्रकरणी थेट संदिपान भुमरे यांच्यावरच आरोप केली जात आहेत. मात्र, भुमरे कुटुंबियांकडून अगोदरच स्पष्ट करण्यात आले की, आमचा याप्रकरणाशी काहीही संबंध नाहीये. तो आमच्याकडे चालक आहे आणि सकाळी कामाला येतो आणि रात्री परत त्याच्या घरी निघून जातो. त्यानंतर तो काय करतो काय नाही, याबद्दल आम्हाला काहीही माहिती नाही. संदिपान भुमरे यांचा चालक जावेद असल्याने या प्रकरणात असल्याने विविध चर्चांना उधाण आल्याचे बघायला मिळत आहे.