वारकऱ्यांना कोयता दाखवत लुटलं, अल्पवयीन मुलीवर अत्याचार, पंढरपूरला जाताना दौंडमध्ये भीषण घटना.

दौंड तालुक्यात वारकऱ्यांसोबत अत्यंत धक्कादायक घटना घडली आहे. वारकऱ्यांना रस्त्यात अडवून त्यांची लूट करण्यात आली. तसेच, एका अल्पवयीन मुलीवर अत्याचारही करण्यात आला आहे.संपूर्ण राज्यासाठी अत्यंत अध्यात्मिक मानल्या जाणाऱ्या आषाढी वारीतून एक धक्कादायक घटना समोर आली आहे. पंढरपूरकडे जाणाऱ्या वारकऱ्यांना अडवून लुटण्याचा प्रकार घडला आहे.

तसेच एका अल्पवयीन मुलीवर अत्याचार झाल्याचीही संतापजनक घटना समोर आली आहे. दौंड तालुक्यातील स्वामी चिंचोली येथून ही धक्कादायक घटना समोर आली आहे.आषाढी वारीत सहभागी झालेले वारकरी पंढरपूर कडे जाताना वाटेत चहासाठी थांबले होते. त्यानंतर गाडीत बसताना दोन जण गाडीवरून आले आणि त्यांना अडवलं. दोन जणांनी कोयता गळ्याला लावला आणि त्यांना लुटलं. त्यानंतर या आरोपींनी अल्पवयीन मुलीला काही अंतरावर नेऊन तिच्यावर अत्याचार केल्याचाही आरोप आहे.याप्रकरणी दौंड पोलीस ठाण्यात गुन्हा दाखल करण्याचे काम सुरू असून पोलीस अज्ञात आरोपींचा शोध घेत आहेत.आषाढी वारीनिमित्त पालख्या पंढरपूरकडे मार्गस्थ झाल्या आहेत. लाखो वारकरी ‘माऊली-माऊली’चा जयघोष करत विठुरायाच्या दर्शनासाठी पंढरपूरच्या दिशेने निघाले आहेत. काही आरोपींनी एका अल्पवयीन मुलीवर अत्याचार आणि वारकऱ्यांच्या गळ्याचा कोयता लावून लुटल्याची घटना घडल्याने संताप व्यक्त केला जात आहे.माहितीनुसार, दौंड तालुक्यातील स्वामी चिंचोली येथे ही धक्कादायक घटना घडली आहे. पंढरपूरकडे मार्गस्थ होत असताना वारकरी वाटेत चहापाण्यासाठी थांबले होते. चहापाणी झाल्यानंतर गाडीत बसताना दोन अज्ञात इसम दुचाकीवरून आले. त्यांनी वारकऱ्यांच्या गळ्याला कोयता लावला. त्यांना लुटून नंतर अल्पवयीन मुलीला काही अंतरावर घेऊन गेले आणि तिच्यावर त्यांनी लैंगिक अत्याचार केल्याची माहिती आहे.या घटनेने दौंड तालुक्यात एकच खळबळ उडाली आहे. या प्रकरणी दौंड पोलीस ठाण्यात गुन्हा दाखल करण्याचे काम सुरू असून पोलीस अज्ञातांचा शोध घेत आहेत. मात्र, यामुळे वारकऱ्यांच्या सुरक्षेचा प्रश्न निर्माण झाला असून वारकऱ्यांमधून संताप व्यक्त केला जात आहे.