सोनवद येथे छत्रपती शिवाजी महाराज महाराजस्व समाधान शिबिर अभियान उत्साहात संपन्न.

सोनवद येथे छत्रपती शिवाजी महाराज महाराजस्व समाधान शिबिर अभियान उत्साहात संपन्न.मा.ना.पा.मंत्री गुलाबरावजी पाटील यांच्या उपस्थितीत जनतेच्या समस्यांचे निराकरणबाभुळगाव चमगाव अहिरे सोनवद परिसरातील नागरिकांच्या शिबिराला उत्सर्फ प्रतिसाद धरणगाव तालुका प्रतिनिधी – राजु बाविस्कर,धरणगाव : तालुक्यातील सोनवद येथे दिनांक 27 जून 2025 वार शुक्रवार रोजी छत्रपती शिवाजी महाराज महाराजस्व समाधान शिबिर अभियान संपन्न झाले.महाराष्ट्र शासन महसूल व वन विभाग यांच्या संयुक्त विद्यमानाने जिल्हाधिकारी कार्यालय जळगाव यांच्या 100 दिवसाच्या कृती आराखड्या अंतर्गत व जिल्हा वार्षिक योजनेअंतर्गत संपूर्ण महाराष्ट्रभर छत्रपती शिवाजी महाराज महाराजस्व समाधान शिबिर अभियानाला उत्सर्फ प्रतिसाद मिळत आहे. सोनवद येथे या अभियानाला जनतेकडून उत्सर्फ प्रतिसाद मिळाला.

या अभियानाला प्रमुख उपस्थितीत असलेले जळगाव जिल्ह्यातील माननीय पालकमंत्री गुलाबरावजी पाटील यांच्या उपस्थितीत अभियानाला सुरुवात झाली याप्रसंगी शासनाच्या विविध योजनेविषयी माहिती देऊन जनतेच्या समस्यांचे निवारण करण्यात आले. यावेळी कार्यक्रमास सर्व शासकीय विभाग प्रमुख हे उपस्थित होते. या अभियानात जिवंत सातबारा मोहीम, संजय गांधी योजना, रेशन कार्ड, पुरवठा विभागातील योजना, जेष्ठ नागरीक योजना,आरोग्य कार्ड, कृषी विभागातील योजना, गुणवंत विद्यार्थी योजना, बांधकाम कामगार योजना, इत्यादी योजनांचे प्रशस्तीपत्र लाभार्थ्यांना वाटप करून विविध शासकीय योजनांचा लाभ लाभार्थ्यांना देण्यात आला यावेळी सुमारे 550 लाभार्थ्यांना विविध शासकीय योजनेचा लाभ या शिबिरा मार्फत देण्यात आला.

याप्रसंगी धरणगाव तहसीलदार महेंद्र सूर्यवंशी, नायब तहसीलदार लक्ष्मण सातपुते, मंडळ अधिकारी मोहन महाजन, ग्राम महसूल अधिकारी आरिफ शेख,दीपक पाटील,राकेश पवार,तालुक्यातील मंडळ अधिकारी,ग्राम महसूल अधिकारी(तलाठी), BDO किशोर वानखेडे, निर्दोष पवार,दिलीप आण्णा धनगर, गजानन नाना पाटील इतर कार्यालयाचे अधिकारी , कर्मचारी व ग्रामस्थ उपस्थित होते. यावेळी छत्रपती शिवाजी महाराज महाराजस्व समाधान शिबिर अभियानात परिसरातील नागरिकांनी विविध योजनांच्या लाभ मिळाल्याबद्दल समाधान व्यक्त केले.