भरधाव कार चालकाने बारावीच्या विद्यार्थिनीला उडवलं, भिंत पाडून गाडी थेट पावभाजीच्या दुकानात.

त्रिकोणी गार्डन पोलिस चौकीजवळ ठोके यांचे वाहनावरील नियंत्रण सुटले. याचवेळी सायकलवरून खासगी क्लासला चाललेली बारावीत शिकणारी विज्ञान शाखेची विद्यार्थिनी रीतीका प्रवीण पंडित, वय 17 वर्ष, हिला ठोके यांच्या कारची धडक बसली.भरधाव कार चालकाचे वाहनावरील नियंत्रण सुटल्याने त्याने सायकलस्वार महाविद्यालयीन विद्यार्थिनीला उडवले. यानंतर भिंत पाडत ही कार पावभाजीच्या दुकानावर जाऊन धडकली. नाशिकमधील काठे गल्ली परिसरातील त्रिकोणी गार्डन पोलिस चौकीजवळ हा अपघात झाला. यामध्ये विद्यार्थिनी गंभीर जखमी झाली असून, तिच्यावर खासगी रुग्णालयात उपचार सुरू आहेत.पोलिसांनी दिलेल्या माहितीनुसार, रवींद्र लक्ष्मण ठोके, वय 55 वर्ष, असे कार चालकाचे नाव आहे. दुपारी चार वाजताच्या सुमारास ते कार (क्र. एमएच 15 इबी 0842) घेऊन पत्नीसह बनकर चौकाकडून समर्थ टी पॉइंटच्या दिशेने चालले होते.

त्रिकोणी गार्डन पोलिस चौकीजवळ ठोके यांचे वाहनावरील नियंत्रण सुटले. याचवेळी सायकलवरून खासगी क्लासला चाललेली बारावीत शिकणारी विज्ञान शाखेची विद्यार्थिनी रीतीका प्रवीण पंडित, वय 17 वर्ष, हिला ठोके यांच्या कारची धडक बसली. या अपघातात विद्यार्थिनी गंभीर जखमी झाली असून, तिला उपचारांसाठी खासगी रुग्णालयात दाखल करण्यात आले.यानंतर ठोके यांचे वाहन एका भिंतीला धडकत नंतर साई श्रद्धा पावभाजी या दुकानाला जाऊन धडकले. यामुळे या दुकानाचे आणि समोरील हातगाड्याचेही नुकसान झाले. दरम्यान, संबंधित कारचालक पोलिस कर्मचारी असल्याचे समजते. परंतु, त्यास दुजोरा मिळू शकला नाही. रात्री उशिरापर्यंत गुन्हा दाखल करण्याचे काम सुरू होते.दुसरीकडे, सिन्नर-शिर्डी रस्त्यावर वावी गावाजवळ असलेल्या पेट्रोलपंपाजवळ दुचाकीस्वाराचा अपघाती मृत्यू झाल्याची घटना घडली. नीलेश प्रकाश झाल्टे (वय ४०, रा. पाथर्डी फाटा, गजरानंदनवन अपार्टमेंट, नाशिक) असे मृताचे नाव आहे. याबाबत नमिता नीलेश झाल्टे यांनी पोलिसांना खबर दिली. नीलश दुचाकीवरून (क्र. एमएच १५ टी १५२१) जात असताना त्यांचा अपघात झाला. या अपघातात झाल्टे त्यांच्या तोंडाला व डोक्याला गंभीर मार लागल्याने त्यांना उपचारार्थ सिन्नर ग्रामीण उपजिल्हा रुग्णालयात दाखल करण्यात आले. तथापि, उपचारापूर्वीच त्यांचा मृत्यू झाला. याप्रकरणी वावी पोलिस ठाण्यात अपघाताची नोंद करण्यात आली आहे.दुसऱ्या अपघातात बागलाण तालुक्यातील ताहाराबाद- सोमपूर रस्त्यावर पिकअप गाडी व मोटरसायकलची समोरासमोर जोरदार धडक झाल्याने भडाण येथील गणेश सुरेश सोनवणे (वय २७) हा युवक ठार झाला असून, त्याचा मित्र लहानू बाळू सोनवणे गंभीर जखमी झाला. ताहाराबाद-सोमपूर रस्त्यावर सायंकाळी चारच्या सुमारास पिकअप ( एमएच १८ बीजी ०७२३) आणि दुचाकी (एमएच४१ बीपी ७२६६) यांच्यात समोरासमोर जोरदार धडक झाल्याने गणेश सोनवणे जागीच ठार झाला. अपघात इतका भीषण होता की, या अपघातात गणेशचा जागीच मृत्यू झाला. गणेशचा मित्र लहानू सोनवणे हा गंभीर जखमी आहे.