बीसीए विद्यार्थीनीच्या मृत्यूप्रकरणी मोठी अपडेट! सावत्र पित्यानेच तिच्यासोबत दुष्कर्म केलं नंतर क्रूरपणे संपवलं; मातेचा गंभीर आरोप.

लखनऊच्या विज्ञानपुरी भागात बीसीएच्या विद्यार्थिनीच्या हत्येप्रकरणी हादरवून सोडणारी अपडेट समोर आली आहे. विद्यार्थिनीची हत्या होण्यापूर्वी तिच्या सावत्र वडिलांनी तिच्यावर बलात्कार केला होता, असा आरोप मृत विद्यार्थीनीच्या आईने केला आहे.लखनऊच्या विज्ञानपुरी भागात बीसीएच्या विद्यार्थिनीच्या हत्येप्रकरणी हादरवून सोडणारी अपडेट समोर आली आहे. विद्यार्थिनीची हत्या होण्यापूर्वी तिच्या सावत्र वडिलांनी तिच्यावर बलात्कार केला होता, असा खळबळजनक आरोप तिच्या आईने पोलिसांसमोर केला आहे.

लखनऊच्या विज्ञानपुरी परिसरात एका बीसीएच्या विद्यार्थिनीची निर्घृणपणे हत्या करण्यात आली. या प्रकरणाला आता नवे वळण आले आहे. पोलीस चौकशीत मृत विद्यार्थिनीच्या आईने पोलिसांना सांगितले की, हत्येपूर्वी तिच्या सावत्र वडिलांनी तिच्यावर बलात्कार करण्याचा प्रयत्न केला तिने प्रतिकार केला तर तिच्यावर क्रुरपणे हल्लाही केला होता. पोलिसांनी या प्रकरणाचा कसून तपास सुरू केला आहे. आईने केलेल्या गंभीर आरोपांमुळे सावत्र वडिलांची भूमिका संशयास्पद ठरत आहे.

इन्स्पेक्टर अखिलेश कुमार मिश्रा यांनी सांगितले की, आरोपीने विद्यार्थीनीला मारले, ज्यामुळे ती गंभीर जखमी झाली होती. विद्यार्थिनीच्या आईच्या तक्रारीनुसार एफआयआरमध्ये बलात्काराचे कलम वाढवण्यात आले आहे. आईचे असाही दावा आहे की, आरोपी सुरुवातीपासूनच तिच्या मुलीवर लक्ष ठेवून होता.दरम्यान, या घटनेमुळे परिसरात भीतीचे आणि संतापाचे वातावरण आहे. एका निष्पाप मुलीला आपला जीव गमवावा लागल्याने यातच बलात्काराचा आरोप झाल्याने नागरिक संतप्त झाले आहेत. तर या घटनेनंतर महिला सुरक्षा आणि कायद्याच्या अंमलबजावणीवर पुन्हा मोठे प्रश्नचिन्ह निर्माण झाले आहे. पोलिसांनी आरोपींना लवकरात लवकर अटक करून कठोर शिक्षा द्यावी, अशी मागणी नागरिकांकडून होत आहे.