विधीमंडळ अंदाज समितीच्या अध्यक्षांचा शाही पाहुणचार; चांदीच्या ताटात जेवण, भोजनाचा खर्च वाचाल तर…

 मुंबईत संसदेच्या तसेच विधीमंडळाच्या अंदाज समितीच्या सदस्यांसाठी शाही भोजनाचा बेत करण्यात आला होता. या शाही भोजनासाठी प्रत्येक सदस्यामागे साडेचार हजार रुपये खर्च करण्यात आले. विशेष म्हणजे, चांदीच्या थाळीतून भोजन वाढण्यात आले. ज्यात प्रत्येक सदस्याचा खर्च साडेचार हजार होता.मुंबईत संसदेच्या तसेच विधीमंडळाच्या अंदाज समितीच्या सदस्यांसाठी शाही भोजनाचा बेत करण्यात आला होता. या शाही भोजनासाठी प्रत्येक सदस्यामागे साडेचार हजार रुपये खर्च करण्यात आले. विशेष म्हणजे, चांदीच्या थाळीतून भोजन वाढण्यात आले, ज्या थाळीचे भाडे होते ५५० रुपये आणि थाळीतील जेवणाचा खर्च चार हजार रुपये, असा हा साडेचार हजारांच्या जेवणाचा हा शाही बेत होता. खर्चात काटकसर करण्याच्या शिफारशी करणाऱ्या अंदाज समितीच्या सदस्यांसाठीच असा खर्च झाल्याने आश्चर्य व्यक्त केले जात आहे.मुंबईत विधानभवनात देशातील विधीमंडळ समित्यांचे अध्यक्ष व सदस्यांचे दोन दिवसीय राष्ट्रीय परिषदेचे आयोजन करण्यात आले होते. या परिषदेचा मंगळवारी मुंबईत समारोप झाला. यावेळी सदस्यांना शाही पक्वान्नांची मेजवानी देऊन समारोप करण्यात आला. अर्थसंकल्पातील तरतुदींचे उद्दीष्ट साध्य करण्यासाठी काटकसरीच्या शिफारशी करण्याची जबाबदारी अंदाज समितीवर असते, त्याच समितीच्या सदस्यांसाठी चांदीच्या ताटातून पंचपक्वान्नाची मेजवानी आयोजित केली होती. यामधून राज्य विधीमंडळाच्या निधीची उधळपट्टी केल्याचा आरोप होत आहे.

‘लोकसत्ता’ च्या वृत्तानुसार, देशभरातील विधीमंडळांचे अंदाज समित्यांचे अध्यक्ष आणि सदस्य तसेच अधिकारी मिळून ६०० अतिथी मुंबईतील या परिषदेत सहभागी झाले होते. या विशेष अतिथींच्या स्वागतासाठी विधानभवनाबाहेर ४० फूट उंचीचे मोठे फलक उभारण्यात आले. तर हॉटेल ताज पॅलेसमध्ये अध्यक्ष आणि सदस्यांच्या निवासाची सोय करण्यात आली तर अधिकाऱ्यांची हॉटेल ट्रायडंटमध्ये करण्यात आली होती. तर या अतिथींच्या दिमतीसाठी विधीमंडळ प्रांगणात मलमली कापडाचे वातानुकूलित भोजन बैठक व्यवस्था करण्यात आली. त्यात मोठी झुंबरे देखील लावली होती. सभागृहातून भोजनस्थळी जाण्यासाठी लाल गालिचे अंथरण्यात आले होते, जे कोणत्याही शाही व्यवस्थेपेक्षा कमी नव्हते.या शाही बैठक व्यवस्थेत जेवणासाठी चांदीची ताटं, चमचे, वाट्या, ग्लास होते. तर हात धुण्यासाठीचे बेसिनही उत्तम होते. तर या विशेष अतिथींच्या मनोरंजनासाठी हॉटेलमध्ये सांस्कृतिक कार्यक्रम आयोजित केले होते. तसेच हॉटेल ते विधिमंडळात येण्या-जाण्यासाठी स्वतंत्र मोटारींचीही सोय करण्यात आली होती.

एवढेच नाही तर परिषदेचा समारोप झाल्यानंतर पाहुण्यांसाठी मुंबई दर्शनाची विशेष व्यवस्था करण्यात आली होती.‘निखिल’ या कॅटरर्सकडू ही जेवणाची व्यवस्था करण्यात आली होती. यामध्ये चांदीची भांडी भाड्याने आणली गेली. आश्चर्यजनक म्हणजे ‘एका ताटाचे दिवसाचे भाडे ५५० रुपये असल्याचे कंपनीचे व्यवस्थापक निखिल टिपणीसने सांगितले. या शाही भोजनाची किंमत ४ हजार होती, ज्यामध्ये कोथिंबीर वडी, मालवणी करी, सुरमई फ्राय, दहीवडे, बटाट्याची भाजी आणि पुरण पोळी असा मराठमोळा मेन्यू होता.काटकसरीबाबत शिफारशी करणाऱ्याच अंदाज समितीच्या अध्यक्षांसाठी ही घाट घातल्याने प्रश्न उपस्थित होत आहेत. कोटींची उधळपट्टी केल्याने राज्य विधीमंडळाच्या कारभाराच्या पद्धतीवर प्रश्नचिन्ह उपस्थित होत आहे.