तर मी तुझी बदनामी करेन आणि…, अल्पवयीन मुलीचं भीतीपोटी टोकाचं पाऊल; प्रकरणाने परिसरात खळबळ.

वाशिम जिल्ह्यात एका अल्पवयीन मुलीवर अत्याचार आणि जीवे मारण्याची धमकी दिल्याची धक्कादायक घटना घडली आहे. आरोपीने मुलीला मिठी मारून तिच्यासोबत पळून येण्यास सांगितलं, अन्यथा बदनामी करण्याची धमकी दिली. या त्रासाला कंटाळून मुलीने टोकाचा निर्णय घेतला. राज्यभरातील अनेक भागात महिला, मुलींवरील अत्याचाराच्या विविध घटना समोर आल्या आहेत. अशीच एक भयंकर घटना वाशिममध्ये समोर आली आहे. आरोपीने एका अल्पवयीन मुलीचा विनयभंग केला. तिला जीवे मारण्याची धमकी दिली. याच त्रासाला कंटाळून, घाबरुन भयभीत झालेल्या अल्पवयीन मुलीने विष प्राशन करुन आत्महत्या केल्याची गंभीर घटना समोर आली आहे.

वाशिम जिल्ह्यातील शिरपूर पोलीस स्टेशनंतर्गत येणाऱ्या वाघळूद गावात प्रकार समोर आला आहे. मृत मुलीच्या काकाने दिलेल्या फिर्यादीवरून पोलीस ठाण्यात आरोपी विरुद्ध गुन्हा दाखल करण्यात आला आहेमिळालेल्या माहितीनुसार, अभिषेक विष्णू देशमुख याने एका अल्पवयीन मुलीच्या घरामध्ये घुसून वाईट हेतूने तिला मिठीत कवटाळलं. त्यानंतर त्याने मुलीला तु माझ्या सोबत पळून चल, जर तु माझ्या सोबत पळून आली नाही, तर मी तुझी बदनामी करेन आणि जीवे मारेन, अशी धमकी आरोपीने अल्पवयीने तरुणीला दिली. आपली बदनामी होईल, तसंच आरोपीने दिलेल्या धमकीच्या भीतीपोटी, त्याच्या जाचाला कंटाळून अल्पवयीन मुलीने विष प्राशन केलंघटनेनंतर मृत मुलीच्या काकाने शिरपूर पोलीस स्टेशनला फिर्याद दिली. फिर्यादीवरुन शिरपूर पोलीसांनी आरोपी अभिषेक विष्णू देशमुख, वय २५ रा. वाघळूद या नराधमाला ताब्यात घेतल्याची माहिती मिळत आहे. तसंच त्याच्या विरुद्ध विविध कलमांनुसार गुन्हा दाखल केला आहे. पुढील तपास ठाणेदार केशव वाघ यांच्या मार्गदर्शनात पोलीस उपनिरीक्षक इमरान पठाण हे करत आहेत..