ओव्हरटेक करण्याच्या नादात रिक्षाला दिली जोरदार धडक; दोन जणांचा जागीच मृत्यू, अकोल्यात भीषण अपघात.

अकोला जिल्ह्यातील पातूर तालुक्याजवळ भीषण अपघात झाला. बाभूळगाव येथे ट्रक आणि ऑटोच्या धडकेत दोघांचा जागीच मृत्यू झाला. काही प्रवासी गंभीर जखमी झाले आहेत. जखमींना तातडीने रुग्णालयात दाखल केले. ट्रक चालकाने घटनास्थळावरून पळ काढला, पोलीस तपास करत आहेत.अकोल्यातील पातूर तालुक्यातल्या बाभूळगाव जवळ झालेल्या भीषण अपघात ात दोन जनांचा जागीच मृत्यू झाल्याची घटना घडली आहे. या अपघातात एक जण गंभीर तर काही जण किरकोळ जखमी झाल्याची माहिती आहे. अपघात इतका भीषण होता की, दोघांचा जागीच मृत्यू झाला. मिळालेल्या माहितीनुसार एका ट्रकने प्रवाशी ऑटोला जोरदार धडक दिली. ऑटोतील प्रवाशी बाहेर फेकले गेले. दरम्यान अपघाताची माहिती मिळताच स्थानिकांनी जखमींना तातडीने रुग्णालयात हलविले तर ट्रकचालक हा घटनास्थळावरून फरार झाल्याची माहिती आहे. दरम्यान याप्रकरणी पातूर पोलीस ठाण्यात गुन्हा दाखल करण्यात आला असून पुढील तपास पातूर पोलीस करीत आहेत.

मिळालेल्या माहितीनुसार, बाळापुर ते पातुर रोडवरील आयटीआय कॉलेजसमोर ट्रक व ऑटोची जोरदार धडक झाली. सकाळी नऊ वाजताच्या दरम्यान पातुरकडून प्रवासी ऑटो क्रमांक एमएच 30 बीसी 2071 हा अंबाशी येथे जात असताना ट्रक क्रमांक MH 18 बीजी 8494 याने ओव्हरटेक करण्याच्या नादात समोरून येणाऱ्या ऑटोला मागून जबर धक्का मारल्याने सदर ऑटो हा विरुद्ध दिशेने येणाऱ्या ट्रक क्रमांक 09 4426 ला धडकला.ऑटो प्रवासी पियुष रवींद्र सतरकर (वय 13) राहणार सिंधी कॅम्प, अकोला व लिलाबाई ढोरे (वय 5) राहणार लाखनवाडा हे दोघेही जागीच ठार झाले. सुरेंद्र चतरकर (वय 45), रवींद्र चतरकर (वय 52), रूपचंद वाकोडे (वय 50), प्रमिलाबाई वाकोडे (वय 65) हे गंभीर जखमी झाले असून पातुर पोलिसांनी स्थानिकांच्या मदतीने जखमीस पुढील उपचारासाठी अकोला येथे पाठविले असून पुढील कारवाई पातुर पोलीस करीत आहेत.

दरम्यान अपघाताची माहिती मिळताच स्थानिकांनी अपघातग्रस्तांना तातडीने रुग्णालयात हलविले तर ट्रक चालक हा घटनास्थळावरून फरार झाल्याची माहिती आहे. दरम्यान याप्रकरणी पातूर पोलीस ठाण्यात गुन्हा दाखल करण्यात आला असून पुढील तपास पातूर पोलीस करीत आहेत. या घटनेने मोठी खळबळ उडाली आहे. ओव्हरटेक करण्याच्या नादात हा भीषण अपघात झाला आहे. जखमींवर उपचार सुरू असून त्यांची तब्येत स्थिर असल्याचीही माहिती मिळतंय.