Rajendra Nikam
इराणने अमेरिकेच्या सैन्यावर जोरदार हल्ला चढवला असून कतारमधील अमेरिकेच्या तळांवर मिसाइलने हल्ला केला आहे. या हल्ल्यामुळे मध्य पूर्वेत तणाव वाढला असून भारताने कतारमधील नागरिकांना सतर्क राहण्याचा इशारा दिला आहे.इराणने अमेरिकेवर जोरदार हल्ला चढवला आहे. कतारमधील अमेरिकेच्या सैन्याच्या तळांवर इराणने मिसाइलने हल्ला केला आहे. कतारची राजधानी दोहा येथे स्फोटांचे आवाज आले आहेत. कतारमध्ये अमेरिकेच्या सैन्याच्या तळांवर इराण हल्ला करणार, अशा बातम्या येत होत्या. त्यानंतर हे धमाके झाले आहेत. कतारने लगेचच त्यांची हवाई हद्द बंद केली आहे. अमेरिकेच्या दूतावासाने त्यांच्या नागरिकांना सुरक्षित ठिकाणी राहण्यास सांगितले आहे.
अमेरिकेला या हल्ल्याची माहिती आधीच मिळाली होती. एका इस्रायली अधिकाऱ्याने सांगितले की, इराणने कतारमधील अमेरिकेच्या सैन्याच्या तळांना लक्ष्य करून सहा मिसाइल डागले. इराण अशा हल्ल्याची तयारी करत आहे, असे आधीच समजले होते. अमेरिकेच्या अधिकाऱ्यांनी सांगितले होते की, इराणने अमेरिकेच्या सैन्यावर हल्ला करण्यासाठी मिसाइल लाँचर्स तैनात केले आहेत. अमेरिकेने इराणच्या तीन अणु तळांवर हल्ला केल्यास, इराण अमेरिकेच्या सैन्यावर मध्य पूर्वेत हल्ला करू शकतो, अशी शक्यता अमेरिकेला वाटत होती. यासाठी इराणने तयारी केली होती.भारताने सुद्धा आपल्या नागरिकांसाठी सूचना जारी केली आहे. मध्य पूर्वेकडील परिस्थिती पाहता, भारताने कतारमधील भारतीयांना सतर्क राहण्यास सांगितले आहे. “सध्याची परिस्थिती पाहता, कतारमधील भारतीय समुदायाला विनंती आहे की त्यांनी सतर्क राहावे आणि घरातच थांबा आणि कतार सरकारकडून येणाऱ्या बातम्या आणि सूचनांचे पालन करा.
