जागतिक योग दिन उत्साहात साजरा – ‘एक पृथ्वी, एक स्वास्थ्य’ या संकल्पनेतून विद्यार्थ्यांनी दिला आरोग्याचा संदेश .

जागतिक योग दिन उत्साहात साजरा – ‘एक पृथ्वी, एक स्वास्थ्य’ या संकल्पनेतून विद्यार्थ्यांनी दिला आरोग्याचा संदेश .दि. २१ जून, २०२५ रोजी डी. एस. देशमुख माध्यमिक व उच्च माध्यमिक विद्यालय, थोरगव्हाण येथे जागतिक योग दिन मोठ्या उत्साहात व शिस्तबद्ध पद्धतीने साजरा करण्यात आला. “एक पृथ्वी, एक स्वास्थ्य” या घोषवाक्याने आरोग्याबाबत जनजागृती करण्याचा प्रयत्न यावेळी करण्यात आला.

कार्यक्रमाचे आयोजन क्रीडा शिक्षक जे. ए. चौधरी यांच्या मार्गदर्शनाखाली करण्यात आले. दी एज्युकेशन सोसायटी, थोरगव्हाण संचालित विद्यालयाच्या आवारात विविध योग व प्राणायाम प्रात्यक्षिके सादर करण्यात आली.कार्यक्रमाला संस्थेचे उपाध्यक्ष उमाकांत बाऊस्कर, संचालक नंदकुमार चौधरी, गोविंद काकाश्री चौधरी यांनी विशेष उपस्थिती लावली. त्यांनी स्वतः विद्यार्थ्यांसमवेत योगासने सादर करत आरोग्यदायी जीवनशैलीचा आदर्श सादर केला.

मुख्याध्यापक डी. के. पाटील यांनी विविध प्राणायाम व योगासने शिकवली आणि विद्यार्थ्यांना नियमित योगाचा सराव करा, निरोगी रहा, बुध्दी तल्लख बनवा असा संदेश दिला.कार्यक्रमात सर्व शिक्षक, शिक्षकेतर कर्मचारी, क्रीडा शिक्षक टी. पी. घुले आणि अन्य शिक्षकांनी उत्स्फूर्त सहभाग घेतला. विद्यार्थ्यांनीही एकाग्रतेने योग प्रात्यक्षिके सादर करत नवीन उर्जा व आरोग्याचे महत्व अधोरेखित केले.कार्यक्रमाचे विशेष आकर्षण म्हणजे शिस्तबद्ध योग संचालन, प्रात्यक्षिकांचे समन्वय आणि विद्यार्थ्यांचा सृजनशील सहभाग होता. आभार वाय जे कुरकुरे यांनी मानले .