पावसाचा जोर वाढला असता नदीपात्रात उतरुन तरुणांची हुल्लडबाजी; पोलिसांनी धडा शिकवला, Video समोर.

पश्चिम महाराष्ट्रात पावसाचा जोर वाढला आहे. परिणामी खडकवासला धरणाच्या पाणीपातळीत वाढ झाली आहे. त्यामुळे अतिरिक्त पाण्याचा मुठा नदीत विसर्ग केला जात आहे. अशावेळी मात्र काहीजण नदीपात्रात उतरुन जीव धोक्यात टाकत आहेत, पण पोलिसांनी अशांना चांगलाच धडा शिकवला आहे.पश्चिम महाराष्ट्रात पावसाचा जोर वाढला आहे. परिणामी खडकवासला धरणाच्या पाणीपातळीत वाढ झाली आहे. त्यामुळे अतिरिक्त पाण्याचा मुठा नदीत विसर्ग केला जात आहे. परिणामी मुठा नदीतील पाण्याचा प्रवाह वाढला आहे. अशावेळी मात्र काहीजण नदीपात्रात उतरुन जीव धोक्यात टाकत आहेत. त्यामुळे पोलिसांनी थेट नदीकाठी पोहोचत त्यातील काही तरुणांना चांगलाच धडा शिकवला आहे.

पोलिसांनी तडख नदीकाठी पोहोचून तरुणांना धडा शिकवल्याचा व्हिडिओ समोर आला आहे. गुरुवारी सकाळी काही तरुण जीव धोक्यात घालून नदीपात्रात अंघोळ करत सेल्फी काढत होते. पोलिसांनी त्यांना बाहेर यायला लावले आणि उठाबशा काढायला लावल्या आहेत. तर पुन्हा नदी पात्रात उतरल्यास कठोर कारवाईचा करण्याचा इशारा दिला आहे.तुडुंब भरुन वाहणाऱ्या नदीपात्रात अंघोळ करणाऱ्या तरुणांना पोलिसांनी चांगलाच धडा शिकवला आहे. सध्या पाण्यात उतरुन हुल्लडबाजी केल्यामुळे अनेक तरुणांनी आतापर्यंत जीव गमावल्याचे आपण पाहत आहोत. अनेकदा खबरदारीचा इशारा देऊनही तरुण नदीपात्रात उतरतात, जे त्यांच्या जीवावर बेतणारे ठरते. त्यामुळे पोलिसांनी दिलेल्या या शिक्षेची शहरात जोरदार चर्चा सुरु आहे.

पोलीस निरीक्षक मोहन खंदारे यांनी सांगितले की, खडकवासला धरणातून मोठ्या प्रमाणात पाणी सोडले जात आहे. अशा वेळी नदीपात्रात किंवा नदीकाठी जाणे घातक ठरु शकते. तरीदेखील तरुण बेफिकिर राहतात आणि नदीपात्रात उतरुन अंघोळ करतात. अशी कृत्ये यापुढे सहन केली जाणार नाहीत, कठोर कारवाई करण्यात येईल’अलीकडे अनेक तरुणांचा नदीपात्रात बुडून मृत्यू झाल्याची प्रकरणं समोर आली आहेत. त्यामुळे चिंता व्यक्त करण्यात येते. पण तरुणांनी मोहाला आवर घालून जीव सुरक्षित ठेवणे महत्वाचे असल्याचेही पोलीस सांगतात.